ശബരിമല: അറിഞ്ഞിരിക്കേണ്ടത്...

രാമായണത്തിലെ ശബരി എന്ന കാട്ടാള സ്ത്രീ തപസ്സ് അനുഷ്ഠിച്ച സ്ഥലമാണ് ശബരിമല

- എസ്.പി.ജെ

ശബരി

രാമായണത്തിലെ ശബരി എന്ന കാട്ടാള സ്ത്രീ തപസ്സ് അനുഷ്ഠിച്ച സ്ഥലമാണ് ശബരിമല. ഭഗവാൻ ശ്രീരാമൻ മോക്ഷം നൽകിയ കാട്ടാളസ്ത്രീയാണ് ശബരി. ഇവർ പൂർവ്വ ജന്മത്തിൽ ചിത്രിക വചൻ എന്ന ഗന്ധർവ്വ രാജാവിന്റെ പുത്രിയായിരുന്നു. മാലിനി എന്നായിരുന്നു പേര്. വീതിഹോത്രനാണ് മാലിനിയെ വിവാഹം ചെയ്തത്. വിവാഹശേഷവും മാലിനിക്ക് കൽമഷൻ എന്ന കാട്ടാളൻ കാമുകനായി ഉണ്ടായിരുന്നു. വിവരങ്ങൾ അറിഞ്ഞ വീതിഹോത്രൻ “നീയും കാട്ടാളസ്ത്രീ മാറട്ടെ' എന്ന് ശപിച്ചു. ശാപമോക്ഷത്തിനായി യാചിച്ച മാലിനിയോട് ശ്രീരാമനിൽ നിന്ന് ശാപമോക്ഷം ലഭിക്കും എന്ന് വീതിഹോത്രൻ പറഞ്ഞു.

ശ്രീരാമന്റെ വനവാസക്കാലത്ത് സീതയെ കണ്ടെത്തുന്നതിനുള്ള വഴി ശബരി ശ്രീരാമന് പറഞ്ഞുകൊടുത്തുകൊണ്ട് കണ്ണുകളടച്ചു. പെട്ടെന്നവരുടെ രൂപഭാവങ്ങൾ മാറി ഗന്ധർവ്വകുമാരി യായി മാറി. വീതിഹോത്രൻ തിരികെയെത്തി അവളെ ഗന്ധർവ്വ ലോകത്തേയ്ക്ക് കൊണ്ടുപോയി ഇതാണ് ശബരിയുടെ കഥ.

ശരംകുത്തി

 കന്നി അയപ്പന്മാർ കൊണ്ടുവരുന്ന ശരക്കോലുകൾ നിക്ഷേപിക്കുന്ന സ്ഥലമാണ് ശരംകുത്തി. മറവപ്പടയെ തോൽപ്പിച്ച അയ്യപ്പനും സംഘവും ആയുധങ്ങൾ ഉപേക്ഷിച്ച ഇടമാണിവിടം എന്ന് സങ്കൽപ്പ മുണ്ട്. അതല്ല അവതാരോദ്ദേശ്യം പൂർത്തീകരിച്ച മണികണ്ഠൻ ഒരു ശരം തൊടുത്തുവെന്നും ആ ശരം ഒരു അരയാലിൽ പതിച്ചുവെന്നും അതാണ് ശരംകുത്തിയെന്നും വിശ്വാസമുണ്ട്. ശബരിമലയിലെ ഉത്സവത്തിൽ ഭഗവാൻ എഴുന്നെള്ളി എത്തുന്നതും ശരംകുത്തിയിലാണ്. മണ്ഡലപൂജയ്ക്കുള്ള തിരുവാഭരണങ്ങൾ ദേവസ്വം അധികൃതർ സന്നിധാനത്തേയ്ക്ക് ആനയിക്കുന്നതും ശരംകുത്തിയിൽ നിന്നാണ്. നായാട്ടുവിളി ചടങ്ങ് നടക്കുന്നത് ശരംകുത്തിയിലാണ്. 

തത്ത്വമസി