உழவனும் உழத்தியுமாக..!

அடியார்தம் அன்பிற்கு இணங்கி சிவபெருமானும் உமையவளும் மண்ணுலகுக்கு ஏகி அருள்பா லித்த நிகழ்வுகள் மிகப் பலவாகும்.

- பாலசுப்ரமணியன்

நாயன்மார் அறுபத்து மூவர்க்கும் பெருமானும் பெருமாட்டியும் இவ்வாறு இறங்கி வந்து அருள் பாலித்த திறத்தைத்தான் நம்பியாண்டார் நம்பியின் திருத்தொண்டர் திருவந்தாதியும் சேக்கிழாரின் பெரியபுராணமும் நமக்கு எடுத்துரைக்கின்றன. மூவர் முதலிகளான திருஞானசம்பந்தர், திருநாவுக்கரசர், நம்பியாரூரரான சுந்தரமூர்த்தி சுவாமி கள் ஆகியோர் வரலாறு பெரியபுராணத்தில் பரக்கப் பேசப் பெறுகின்றது. சேக்கிழார் பெருமான் இவ்வாறு கூறிய வரலாற்று நிகழ்வுகள் தவிர சில தலங்களில் நடந்ததாகக் கூறப் பெறும் அற்புத நிகழ்ச்சிகள் சில ஆங்காங்கு தல புராணங்களில் பேசப் பெறுகின்றன.