வல்லி நீ செய்த வல்லபமே

அபிராமி அந்தாதி-சக்தி தத்துவம்

- முனைவர் பா.இராஜசேகர சிவாச்சாரியார்

“ இரு நிலமும் திசை நான்கும் ககனமுமே” - என்ற வார்த்தையால் உமையம்மையையானவள் என் உடலுக்கு வெளியில் இருக்க கூடிய நான்கு திசைகளாகவும், மேலே  ஆகாசமாகவும், கீழே பூமியாகவும் இருக்கிறாள் என்பதையே ‘வெளிமுதல் பூதங்களாகி விரிந்த அம்மே’ (16) என்கிறார். “ககனமுமே” என்ற வார்த்தையால் உடலின் உள்ளே என் இயக்கத்திற்கு காரணமான அறிவுவெளியாக இருக்கிறாள். உடலுக்கு உள்ளும் புறமாய் இருக்கக்கூடிய உமையம்மையையே இங்கு “இரு நிலமும் திசை நான்கும் ககனமுமே” என்கிறார்.

“முடிவாக”

“வீணே பலி கவர் தெய்வங்கள் பாற் சென்று மிக்க அன்பு பூணேன்” என்பதனால் பக்தி நெறியையும்’’, “உனக்கு அன்பு பூண்டு கொண்டேன் நின் புகழ்ச்சியன்றி பேணேன்” என்பதனால் உமையம்மையின் சகுன ப்ரம்ம உபாசனையையும் தீட்சை நெறிமுறையையும் “ஒரு பொழுதும் திருமேனிப்ரகாசமின்றிக் காணேன்” என்பதனால் உமையம்மையின் நிற்குண ப்ரம்ம உபாசனையும்’’  “இரு நிலமும் திசை நான்கும் கனமுமே” போகம், மோட்சம், ஞானம் இவைகளை பெறுவதற்கான சாதனமாய் இப்பாடல் அமைகிறது. அதை பின்பற்றி அருளை அடைய முயல்வோம்.

ககனமும்‌ வானும்‌ புவனமும்‌ காண விற்காமன்‌ அங்கம்‌

தகனம்முன்‌ செய்த தவப்பெரு மாற்குத்‌ தடக்கையும்‌ செம்‌

முகனும்முந்‌ நான்கிரு மூன்று எனத்தோன்றிய மூதறிவின்‌

மகனும்‌உண்‌ டாயதன்றோ? வல்லி நீ செய்த வல்லபமே.

- அறுபத்தி ஐந்தாவது அந்தாதி

“ஆதியாக”

 

தெய்வமாகிய அபிராமியை உலகிலுள்ள மக்களுக்கு உணர்த்த உலகியலியல் கணவன், மனைவி, புதல்வர் போன்ற உறவுகளின் வழி  அறப்பண்பினால் இல்லறம் நடத்தி, அதன் வழி உமையம்மையே இல்லத் தலைவியாக, சதாசிவ குடும்பினியாக தியானிக்கிறார்.