கடின முயற்சிகள் ஊடாக எட்டப்பட்ட அடைவுகளைத் தக்க வைப்பது எப்படி?

இலங்கை பொருளாதாரத்தில் மிகக்கடின முயற்சிகளின் ஊடாக எட்டப்பட்ட அடைவுகளைத் தக்கவைத்துக் கொள்வதில் நிலவும் சவால்கள் மற்றும் உயர்வானதும் நிலையானதுமான பொருளாதார வளர்ச்சியை அடைந்து கொள்வதற்கான நடவடிக்கைகள் தொடர்பில் இலங்கையும், ஆசிய அபிவிருத்தி வங்கியும் கூட்டாக ஆராய்ந்துள்ளன.

- நா.தனுஜா

இத்தாலியின் மிலான் நகரில் கடந்த வாரம் நடைபெற்ற ஆசிய அபிவிருத்தி வங்கியின் 58 ஆவது வருடாந்தக் கூட்டத்தின் ஓர் அம்சமாக, ஆசிய அபிவிருத்தி வங்கியின் தலைவர் மஸாட்டோ கண்டாவுக்கும், இலங்கை சார்பில் மாநாட்டில் கலந்து கொண்ட திறைசேரியின் செயலாளர் மஹிந்த சிறிவர்தனவுக்கும் இடையிலான சந்திப்பு கடந்த புதன்கிழமை நடைபெற்றது.