ஆரம்ப சிங்கீனி சினிமா இயக்குநர் தம்பிராஜா சோமசேகரன்

ஆரம்ப காலச் சிங்களச் சினிமாப் படங்களைப் பெரும்பாலும் தமிழர்களும் தயாரித்தனர் எனவும் நடிகர்கள் சிங்களவர்களாகவும், நெறியாள்கை உட்பட பல்வேறு தொழில்நுட்பங்களை இந்தியர்கள் கவனித்தனர் எனவும் கூறப்பட்டுள்ளது.

- 

1956 ஆம் ஆண்டளவில் இலங்கைத் தமிழரான யாழ்ப்பாணம் மானிப்பாயைச் சேர்ந்த தம்பிராஜா சோமசேகரன், முதன்முதலாக சிங்களப் படங்களை இயக்க வேண்டும் என்ற மன உறுதி கொண்டு, தனது பேராதனைப் பல்கலைக்கழக கற்கை நெறியினை இரண்டாம் ஆண்டிலே நிறுத்தி விட்டு முன்வந்தவர் என்றும் நினைவில் நிறைந்திருந்த ஆளுமை ஆவார்.

தொடர்ந்து பல சிங்களப் படங்களை இயக்கினார். சிங்களத் திரையுலகில் பல புதுமைகளையும், புதுமுயற்சிகளையும் செய்தார்.

சினிமா ஆர்வம் மிக்க அவர் ஆரம்பத்தில் சினிமாஸ் லிமிடெட்டில் சேவை செய்தார்.

புளோரிடா ஜயலத், பிரேம் ஜயந் நடித்த 'சுஜாதா' என்ற பிரபல சினிமாவுக்கு கதை, நிர்வாக இயக்குநரான இவர் பெரு வெற்றி பெற்ற இந்தப் படத்துக்குச் செய்த வித்தியாசமான துண்டுப் பட விளம்பரங்களே (ட்றெயிலர்) காரணமாக இருந்தன எனக் கூறப்படுகின்றது.

இப் படத்தைப் பார்க்கச் சென்றதாகக் கூறும் ரசிகர்கள் இன்னும் இருக்கிறார்கள். பட வெற்றிக்குக் காரணமாக அமைவது விளம்பரம் என நிரூபித்துக் காட்டியவர் த. சோமசேகரன் எனக் கூறப்படுகிறது.

பல படங்களை மேலும் தயாரிக்க வேண்டும் என்ற உள உந்துதலுடன் தனது சொந்த நிறுவனத்தை உருவாக்கிப் பல சிங்களப் படங்களை தயாரித்து இயக்கினார்.