வடக்கிலிருந்து முஸ்லிம்களை வெளியேற்றிய புலிகளின் நடவடிக்கையே இனச்சுத்திகரிப்பு

கனேடிய அரசாங்கம் கண்மூடித்தனமான வாக்கு வங்கி அரசியலில் ஈடுபடுவதாக அலி சப்ரி குற்றச்சாட்டு

- (நா.தனுஜா)

இலங்கையில் இனவழிப்பொன்று இடம்பெற்றது என்றால், வடக்கிலிருந்து முஸ்லிம்களையும், சிங்களவர்களையும் வெளியேற்றி விடுதலைப்புலிகளினால் மேற்கொள்ளப்பட்ட மிகமோசமான இனச்சுத்திகரிப்பையே அத்தகைய இன வழிப்பாகக் கருதமுடியும் எனச் சுட்டிக் காட்டியுள்ள முன்னாள் வெளிவிவகார அமைச்சர் அலி சப்ரி, கனேடிய அரசாங்கம் நடுநிலையுடன் செயற்படுவதை விடுத்து, கண்மூடித்தனமான வாக்கு வங்கி அரசியலில் ஈடுபடுவதாகக் குற்றஞ்சாட்டியுள்ளார்.

கனடாவின் பிரம்டன் நகரில் நிர்மாணிக்கப்பட்டுள்ள தமிழின அழிப்பு நினைவகம், அந்நகர மேயர் பற்ரிக் பிரவுன் தலைமையில் கடந்த 10 ஆம் திகதி அங்குரார்ப்பணம் செய்துவைக்கப்பட்டது.

இலங்கையில் இடம்பெற்ற தமிழினப்படுகொலையை நினைவுகூரும் வகையில் இந்நினைவுத்தூபியை நிர்மாணிப்பதற்கு கடந்த ஆண்டு ஓகஸ்ட் மாதம் மேயர் பற்ரிக் பிரவுனால் அடிக்கல் நாட்டப்பட்ட வேளையில், அதுகுறித்து அப்போது வெளிவிவகார அமைச்சராகப் பதவி வகித்த அலி சப்ரி கடும் அதிருப்தியினை வெளிப்படுத்தியிருந்தார்.

அதேபோன்று கனடாவின் ஒன்ராரியோ மாகாண பாராளுமன்றத்தில் கடந்த 2021 ஆம் ஆண்டு மே மாதம் 104 ஆம் இலக்க தமிழினப்படுகொலை அறிவூட்டல் வாரச்சட்டம் நிறைவேற்றப்பட்டது. இச்சட்டத்தின் பிரகாரம் மே மாதம் 12 - 18 ஆம் திகதி வரையான ஒருவார காலம் ஒன்ராரியோ மாகாணத்தில் தமிழினப்படுகொலை அறிவூட்டல் வாரமாகப் பிரகடனப்படுத்தப்படும். அந்த ஒருவார காலத்தில் ஒன்ராரியோ மாகாணத்தைச் சேர்ந்தவர்கள் தமிழினப்படுகொலை தொடர்பிலும், உலகில் இடம்பெற்ற ஏனைய படுகொலைகள் தொடர்பிலும் அறிந்துகொள்வதை ஊக்குவிக்கும் நோக்கிலேயே இச்சட்டம் நிறைவேற்றப்பட்டது. இதுகுறித்தும் இலங்கை அதன் எதிர்ப்பை வெளிப்படுத்தியிருந்தது.

இந்நிலையில் தமிழின அழிப்பு நினைவகம் மற்றும் தமிழினப்படுகொலை அறிவூட்டல் வாரம் தொடர்பில் முன்னாள் அமைச்சர் அலி சப்ரி அவரது உத்தியோகபூர்வ 'எக்ஸ்' தளத்தில் செய்திருக்கும் பதிவில் மேலும் கூறியிருப்பதாவது: