తీపి వారసత్వం.. లోనావాలా చిక్కి

చిక్కి అనేది భారతదేశంలోని ఒక సంప్రదాయ మిఠాయి. దీన్ని బెల్లంతో కానీ పంచదార పాకం, పల్లీలు, నువ్వులు, కొబ్బరి, జీడిపప్పు, బాదం వంటి వివిధ రకాల గింజలు లేదా విత్తనాలతో తయారు చేస్తారు.

- - షేక్ అబ్దుల్ హకీం జాని

చిక్కి అనేది భారతదేశంలోని ఒక సంప్రదాయ మిఠాయి. దీన్ని బెల్లంతో కానీ పంచదార పాకం, పల్లీలు, నువ్వులు, కొబ్బరి, జీడిపప్పు, బాదం వంటి వివిధ రకాల గింజలు లేదా విత్తనాలతో తయారు చేస్తారు. ఇది ఒక రకమైన కఠినమైన మిఠాయి. చిక్కిని మహారాష్ట్రలో పల్లీ పట్టీ అని కూడా పిలుస్తారు.

మహారాష్ట్రలోని లోనావాలా అనే ప్రాంతంలో వందలాది కుటుంబాలు ఇటువంటి చిక్కిలను తయారు చేస్తూ జీవనం సాగిస్తున్నారు. లోనావాలా చిక్కిలు దేశ, విదేశాలలో ప్రసిద్ధి చెందాయి. ఇది ప్రధానంగా వేరుశనగలు (పల్లీలు), బెల్లం లేదా చక్కెరతో తయారు చేస్తారు. బెల్లం లేదా చక్కెర పాకంలో ఈ వేరుశనగలు, గింజలు కలిపి పల్చటి ముక్కలుగా చేసి చల్లార్చితే కరకరలాడే చిక్కి తయారవుతుంది. ఇది శరీరానికి శక్తినిచ్చే, రుచికరమైన చిరుతిండి. లోనావాలాలో కేవలం వేరుశనగతోనే కాకుండా కాజు, బాదం, పిస్తా, ఎండు ద్రాక్ష వంటి డ్రైఫ్రూట్స్ కూడా వాడుతూ దాదాపు ఇరవై రకాల చిక్కిలు తయారు చేస్తున్నారు. ప్రస్తుతం కొందరు వ్యాపారులు ముఫ్ఫై రకాల చిక్కిలు కూడా తయారు చేయడం విశేషం.

లోనావాలా చిక్కి చరిత్ర