ఆధ్యాత్మికతను పెంచే 'శివాలయ ఒట్టం'

యు గయుగాల నుండి స్వయం పరమాత్మ నడయాడిన భరత భూమిలో అనేకానేక విశ్వాసాలు, ఆచారాలు, నిబంధనలు, యాత్రలు కనపడతాయి.

- - ఇలపావులూరి వెంకటేశ్వర్లు

యు గయుగాల నుండి స్వయం పరమాత్మ నడయాడిన భరత భూమిలో అనేకానేక విశ్వాసాలు, ఆచారాలు, నిబంధనలు, యాత్రలు కనపడతాయి. అవి ఒక ప్రాంతం నుండి మరో ప్రాంతానికి భిన్నంగా ఉండటం గమనించవలసిన అంశం.

అదే విధంగా వాటితో ముడిపడి ఉన్న గాథలు కూడా మనకి ఏ పురాణంలోనూ కనపడవు. అయినా భక్తులు ఇహపర సుఖాలను కోరుకుంటూ వాటిని భక్తిశ్రద్దలతో పాటిస్తూ ఉంటారు. అలాంటి వాటిలో ఒకటి “శివాలయ ఒట్టం". అరుణాచల గిరి ప్రదక్షిణ, కైలాస మానస సరోవర పరిక్రమ, గోవర్ధన గిరి ప్రదక్షిణ ఇవన్నీ మనందరికీ తెలిసిన విషయాలు. ప్రస్తుతం మన రాష్ట్రంలో సింహగిరి, ఇంద్రకీలాద్రి. కోటప్పకొండ త్రికూట పర్వత ప్రదక్షిణాలు కూడా నిర్వహించబడుతున్నాయి. వీటన్నింటికీ భిన్నమైనది “శివాలయ ఒట్టం”.

శివాలయ ఒట్టం

పైన పేర్కొన్నవన్నీ ఒక అచల పర్వతాల చుట్టూ భక్తిప్రపత్తులతో ప్రదక్షిణ చేయడం. కానీ 'శివాలయ ఒట్టం'లో ఇరవై నాలుగు గంటలలో పన్నెండు పౌరాణిక ప్రాశస్తం కలిగిన శివాలయాలను సందర్శించడం, ఆ ఆలయాల నుండి విభూతి, అభిషేక జలం సేకరించడం. మలయాళ భాషలో 'ఒట్టం' అంటే పరుగు, ప్రవహించు లేక సాగించు అన్న అర్థాలు ఉన్నాయి. అవన్నీ భక్తులు మహాశివరాత్రినాడు చేసే శివాలయ ఒట్టంకు సరిగ్గా సరిపోతాయి. ఎందుకంటే భక్తులు ఇరవై నాలుగు గంటల లోపల వంద కిలోమీటర్లు పరిగెత్తుతూ పన్నెండు శివాలయాలను సందర్శించుకోవాలి.

తమిళనాడు రాష్ట్రం కన్యాకుమారి జిల్లా పడమర దిశలో విశేష ఆలయాలు నెలకొని ఉన్నాయి. ద్వాపర యుగంలో శ్రీహరి అవతారమైన శ్రీకృష్ణ లోకానికి నరనారాయణులు వేరువేరు కాదు అన్న విషయాన్ని తెలపడానికి ఒక చమత్కారాన్ని చేశారు.

ఆ సమయంలో ఉద్భవించిన ద్వాదశ లింగ ఆలయాలను సందర్శించే యాత్రను 'శివాలయ ఒట్టం' అంటారు. ప్రతినిత్యం భక్తులు ఈ ఆలయాలను సందర్శిస్తుంటారు. కానీ మహా శివరాత్రినాడు చేసే ఈ యాత్ర ఇహపర సుఖాలను ప్రసాదిస్తుంది అని విశ్వసిస్తారు భక్తులు. ఈ సంప్రదాయం ఆరంభం అవడానికి సంబంధించిన గాథ ద్వాపర యుగం నాటిది.

శివాలయ ఒట్టం పురాణ గాథ