వేయి రూపాల మదుర మామిడి

వేసవి వచ్చిందంటే చాలు అందరూ ఆరగించే ఫలాలలో మామిడిపండుకు అత్యధిక ప్రాధాన్యతనిస్తారు.

- షేక్ అబ్దుల్ హకీం జాని

వేసవి వచ్చిందంటే చాలు అందరూ ఆరగించే ఫలాలలో మామిడిపండుకు అత్యధిక ప్రాధాన్యతనిస్తారు. మామిడి పండు 'పండ్ల రాజు' గా ప్రసిది చెందింది. దీనికి అనేక కారణాలు ఉన్నాయి. మామిడి అద్భుతమైన తీపి, తేనెలూరుతూ వ రసభరిత రుచిని కలిగి ఉంటుంది. అల్ఫోన్సో నుండి బంగినపల్లి వరకు వేయికి పైగా మామిడి రకాలు ఉన్నాయి. ఒక్కో రకం ఒక్కో రుచితో అందరినీ ఆకట్టుకుంటాయి. పైగా అందులో పోషక విలువలు అధికంగా ఉంటాయి.

రోగనిరోధక శక్తిని పెంచుతూ చర్మ ఆరోగ్యానికి సహాయపడే విటమిన్, కంటి ఆరోగ్యాన్ని కాపాడే విటమిన్ ఏ, జీవ ప్రక్రియ శక్తి ఉత్పత్తికి సహాయపడే విటమిన్ బి-కాంప్లెక్స్, బి6. రక్తపోటును నియంత్రించి గుండె ఆరోగ్యానికి తోడ్పడే పొటాషియం, కండరాలు, నరాల పనితీరుకు మెరుగుపరిచే మెగ్నీషియం, యాంటి ఆక్సిడెంట్లు, ఫైబర్, కార్బోహైడెట్లు ఇత్యాది అనేకం ఉన్నాయి. అయితే మధుమేహ వ్యాధిగ్రస్తులు వైద్యుల సలహాపై మాత్రమే మామిడి పండ్లను తినాలి. ఇంత మేలు చేయడం వల్లనే మామిడి ప్రపంచవ్యాప్తంగా ప్రియమైన పండుగా ప్రశంసలందుకుంటోంది. భారతదేశం మామిడి ఉత్పత్తిలో అగ్రగామిగా విరాజిల్లుతోంది. తీయని రుచులు, కమ్మని సువాసన, ఆకర్షణీయమైన రంగు, శరీరానికి చక్కని పోషకాలు అందించే మామిడి వండు ఉంటే చాలు పచ్చడి.మెతుకులైనా సరే పంచభక్షపరమాన్నంలా తినేస్తారు. వేడి అన్నంలో ముద్దపప్పు, నెయ్యి, అవకాయ వేసుకుని తింటే ఆ రుచి వేరే ప్రపంచానికి తీసుకుని వెళుతుంది. సామాన్యుడికి సైతం అందుబాటులో ఉంటే మామిడి పండు తన అద్భుతమైన రుచులతో అందరినీ ఆకట్టుకోవడం వల్ల ఇది ఫలాల రారాజుగా ప్రపంచ ప్రజల ప్రశంసలందుకుంటోంది. ఇది ప్రపంచంలోని ఉష్ణమండలాలలో పండే ప్రముఖమైన పండు. మామిడికి అదిమ స్థానం ఇండో బర్మా ప్రాంతమని భావిస్తారు. ఇది అక్కడి నుండి తూర్పు పడమర దేశాలకు వ్యాప్తి చెందింది. మామిడికాయ భారతదేశంతో పాటు ఫిలిప్పీన్స్, పాకిస్థాన్ దేశాల జాతీయ పండు. మామిడి చెట్టు బంగ్లాదేశ్ జాతీయ వృక్షం. భారతదేశంలో మామిడికి సుదీర్ఘమైన గొప్ప చరిత్ర ఉంది. ఐదు వేల సంవత్సరాల క్రితం భారతదేశంలో మామిడిని మొదటిసారిగా పండించారని నమ్ముతారు.పురాతన కాలంలో మామిడిని 'రసాల' సహకార' అనే పేర్లతో పిలిచేవారు.

మామిడి పండ్ల చరిత్ర