పోషకాల గని 'అరటి'

అరటిని ప్రపంచ ఫస్ట్ ఫ్రూట్గా కొందరు శాస్త్రవేత్తలు చెబుతారు. ప్రపంచ వ్యాప్తంగా 107 దేశాల్లో అరటి సాగు జరుగుతుంది.

- ఆనంద 'మైత్రేయ'మ్

అరటిని ప్రపంచ ఫస్ట్ ఫ్రూట్గా కొందరు శాస్త్రవేత్తలు చెబుతారు. ప్రపంచ వ్యాప్తంగా 107 దేశాల్లో అరటి సాగు జరుగుతుంది. ధన విలువలో ఆహార పంటల్లో అరటి నాలుగో స్థానంలో ఉంది. అరటి పండు శుభసూచకం.మన భారతీయ సంస్కృతిలో ఏ శుభకార్యం జరిగినా అందులో అరిటాకు, అరటిపళ్లు, అరటిచెట్టుకు సంబంధించిన కాండాలు ముఖ్యమైన పాత్రను పోషిస్తాయి. అరటి ప్రాముఖ్యత గురించి రామాయణంలో వివరించబడితే.. ఇదీ అరటి ఆవిర్భావం గురించి భాగవతంలో వివరించబడింది. అరటిని 'కదళీ, 'రంజ' అనే పేర్లతో కూడా చాలామంది పిలుచుకుంటారు. అరటి పండు, అరటి ఆకు శుభకార్యాలకు ఎంతో శ్రేయస్కరమని పెద్దలు చెబుతారు. ముఖ్యంగా పెళ్లిళ్లు, ఇతర శుభకార్యాల వేళ భోజనాలకు, మంటపాల అలంకరణకు వినియోగిస్తారు. దేవుళ్లకు సంబంధించిన పూజా కార్యక్రమాలలో స్త్రీలు వ్రతాలు, నోములు నోచుకున్నప్పుడు తమ ఇష్టదేవతలకు పూజలు నిర్వహించుకునేటప్పుడు ఈ అరటి ఆకులను, పళ్లను ఉపయోగిస్తారు. ముత్తైదువులకు భోజనం పెట్టేటప్పుడు అరటి ఆకులను, తాంబూలంలో అరటిపళ్లను ఇస్తారు. అదే విధంగా కొత్తగా ఇంట్లో ప్రవేశిస్తున్నప్పుడు ఇంటి గుమ్మాలకు వీటిని తగిలిస్తారు. అలాగే పెళ్లి వంటి కార్యక్రమాలలో కూడా ఈ అరటి తనదైన ప్రాధాన్యతను కలిగి వుంటుంది.