అలతి అలతి తెలుగు పద మాధుర్యం - తిక్కన

ఆంధ్ర మహాభారతం రెండున్నర పర్వాలు రచించి, నన్నయభట్టు దివంగతులయిన తర్వాత రెండు వందల యేళ్లు.

- 

ఆంధ్ర మహాభారతం రెండున్నర పర్వాలు రచించి, నన్నయభట్టు దివంగతులయిన తర్వాత రెండు వందల యేళ్లు. దాని జోలికి పోయిన కవి లేడు. ఆంధ్ర మహాభారతం పూర్తి కావాలని నాటి ఆంధ్ర దేశం ఆశిస్తున్నా ఫలితం లేదు.కాకతీయుల పాలనా కాలంలో ఆంధ్రజాతి ఆంధ్రభాష అనే చైతన్యం కలిగింది. పంచమ వేదమైన మహా భారతాన్ని 'ఆంధ్రావళి మోదం బొరయునట్లు' రచిస్తానని తిక్కన గంటం చేతపట్టడం, ఆంధ్రజాతి చరిత్రలో అపూర్వ ఘట్టం. ఆంధ్ర జాతిని ఏకచ్ఛత్రాధిపత్యంగా కాకతీయ సమ్రాట్లు ఆంధ్ర దేశాధీశ్వరులుగా ఓరుగల్లు మహానగరిని పాలిస్తున్న సువర్ణ సందర్భం అది. కాకతీయ చక్రవర్తులకు ఆంధ్రజాతి అనే జాతీయ భావం పట్ల అభిమానం స్థిరపడుతున్నా, పరిస్థితుల ప్రభావం కారణంగా రాజభాషగా సంస్కృతం ఆదరణ పొందుతోంది. సంస్కృత శాసనాలు, సంస్కృత కావ్య నాటకాలు, రాజనీతి గ్రంథాలు, వ్యాఖ్యానాలు ఆ యుగంలో సంస్కృత కవి పండితులు ఆదరింపబడుతున్నారు. క్రమేపీ జానుతెనుగు పేరుతో దేశీయ పదజాలంతో తెలుగు ప్రవేశించింది. కాకతి రుద్రమదేవి తండ్రి గణపతిదేవుని కాలంలో కదన రంగంలో ఖడ్గ తిక్కనగా నెల్లూరి రెండవ మనుమసిద్ధిని గణపతి దేవ చక్రవర్తి సహాయంతో నెల్లూరు రాజ్యసింహాసనంపై ప్రతిష్టింపచేసిన మహాదండనాథుడు.మనుమసిద్ధికి మంత్రిగా, ఆస్థాన కవిగా ఉభయ కవిమిత్ర బిరుదు పొందిన తిక్కనామాత్యుడు 1250-63 కాలంలో ప్రౌఢ వయస్కునిగా 13వ శతాబ్దంలో జీవించిన చారిత్రక ఆధారాలున్నాయి. కాకతీయ గణపతి దేవుని కొలువుకూటానికి దూతగ