'సంఘ్' భావం

చర్చకు అవకాశం లేని చట్టసభల సమావేశాలు

- - డాక్టర్ గిరీష్ కుమార్ సంఘీ

అసెంబ్లీ, పార్లమెంటు సమావేశాల్లో ప్రజలకు సంబంధించిన అనేక సమస్యలు చర్చకు వస్తే అవి పరిష్కారం అయ్యే అవకా శం ఉంటుంది. చట్టసభలకు విశేష అధికారాలు ఉంటాయి.ఎంతటి జటిలమైన సమస్య అయినా చట్టసభల సమావేశాల్లో వాటిని ప్రవేశపెట్టి ఆమోదం పొందుతారు. ఒకవేళ ఈ బిల్లులో ఏదైనా లోపాలు ఉంటే ప్రతిపక్షాలు వాటిని సభాదృష్టికి తీసుకు వస్తాయి. అవసరమైతే ఓటింగ్ కూడా నిర్వహిస్తారు. ఇలాంటి చర్చల వల్ల బిల్లులు ఏకపక్షం కాకుండా ప్రజలకు ఉపయోగకరం గా ఉంటాయి. చట్టసభల్లో చర్చ ఉంటుంది కాబట్టి అధికారపార్టీ ఈ బిల్లుల రూపకల్పనలో ప్రత్యేక శ్రద్ధ కనబరుస్తారు. ఒకసారి చట్టసభల్లో బిల్లుకు ఆమోదం లభిస్తే దానిని చట్టపరంగా అమలు చేసే అవకాశం ఉంటుంది. ప్రతి పార్లమెంటు సమావేశాల్లో, అసెంబ్లీ సమావేశాల్లో కనీసం 10 నుంచి 15 వరకు బిల్లులను ప్రవేశపెడతారు. కొన్ని అంశాలపై సవరణలు తీసుకువస్తారు.ఇలాంటి బిల్లులు సమావేశంలో కీలకంగా ఉంటాయి కాబట్టి దీనిపై చర్చ తప్పనిసరిగా ఉండాలి. లేకపోతే ఆ బిల్లులు అమలు చేసేసమయంలో కొన్ని సందర్భాల్లో ప్రజలు ఇబ్బందులకు గుర య్యే ప్రమాదం ఉంటుంది. అయితే ఇటీవల అటు పార్లమెంటు, ఇటు అసెంబ్లీ సమావేశాల తీరు పరిశీలిస్తే చట్టసభలకు ప్రాతి నిధ్యం వహిస్తున్న ప్రజాప్రతినిధులు ప్రజలశ్రేయస్సు కంటే వ్యక్తి గత, పార్టీ రాజకీయాలకే ఎక్కువ ప్రాధాన్యత ఇస్తున్నట్లు కనిపి స్తోంది. ప్రభుత్వం అమలుచేసే సంక్షేమపథకాలు, అభివృద్ధి పథ కాల్లో లోపాలను చట్టసభల్లో ప్రతిపక్షాలు చర్చకు తీసుకురావ డం ద్వారా వాటినిచక్కదిద్ది మరింత ప్రజోపయోగంగా తీర్చిదిద్దే అవకాశం కలుగుతుంది. ఇటీవల తాజాగా జరిగిన పార్లమెంటు, అసెంబ్లీ సమావేశాల తీరు