నిండుకుండల్లా జలాశయాలు

అధిక వర్షపాతంతో పొంగిపొర్లుతున్న నదులు, వాగులు నైరుతికాలంలో 82 'వర్షపు రోజులు' నమోదు

- 

హైదరాబాద్, అక్టోబరు 9, ప్రభాతవార్త: నైరుతి రుతుపవనా "కాలంలో ఆశించినదానికంటే ఎక్కువ వర్షం కురవడంతో తెలుగు నేలపై కృష్ణా, గోదావరి నదులు వాటి ఉపనదులు పొంగిపొరలినాయి. చెరువులు, వాగులు వంకల్లో జళకళ సంతరించింది. తెలంగాణ ఆంధ్రప్రదేశ్ రాష్ట్రాలలోని కృష్ణాగోదావరి జలాశయాల్లో గరిష్ఠంగా 769.34 టిఎంసి నీరు నిలుపుకొనే సామర్థ్యం కలిగిన ప్రాజెక్టులలో ప్రస్తుతం 747.91 టిఎంసిల నీరు నిలిచి ఉంది. తెలంగాణలో నైరుతి రుతువపనకాలంలో సాధారణం గా708 మి.మీ నమోదు కావాల్సి వుండగా 923.3 మి.మి. వర్షం కురిసింది. నైరుతి రుతుపవనం తెలంగాణ నేల తాకిన జూన్ 1 నుంచి సెప్టెంబర్ 23 వరకు రాష్ట్రం లో 82 సగటు వర్షపురోజులు నమోదైనాయి.

సాధారణం కంటే 215.3 మి.మి అధిక వర్షం కురవడంతో గోదావరి, కృష్ణానదులు వాటి ఉపనదులపై నిర్మించిన ఆనకట్టలు బ్యారేజిలు వాటి ఆధారంగా నిర్మించిన అనేక జలాశయాల్లో నీరు పుష్కలంగా చేరి నిండు కుండల్లా మారాయి. మరోవైపు గోదావరి నుంచి 3878.97 టిఎంసిల నీరు సముద్రంలో కలిసింది.