செம்மணி மனித புதைகுழிகள்!

ஆறு மாதங்களாக, தொல்பொருள் ஆராய்ச்சியாளர்கள் மற்றும் தடயவியல் நிபுணர்கள் குழு, இலங்கையின் வட பகுதியில் உள்ள ஒரு மனிதப் புதைகுழியிலிருந்து மனித எச்சங்களை கண்டுபிடித்து வருகின்றது. மீட்கப்பட்ட எலும்புக்கூடுகளின் எண்ணிக்கை இப்போது 200 ஐத் தாண்டியுள்ளது, அவற்றில் சில குழந்தைகளுடையவையும் அடங்கும்.

- மீரா ஸ்ரீநிவாசன்

இந்தபுதை குழி தளமும் அதில் காணப்படும் மனித எச்சங்களின் எண்ணிக்கையும் நாட்டின் தமிழ் ஊடகங்களில் தினசரி தலைப்புச் செய்திகளில் ஆதிக்கம் செலுத்துகின்றன. அதே நேரத்தில் நாட்டின் முக்கிய ஆங்கிலம் மற்றும் சிங்கள ஊடகங்களில் அதிக கவனத்தைப் பெறவில்லை. இந்த இடைவெளிக்கு பதிலளிக்கும் விதமாக, மூன்று இளம் பத்திரிகையாளர்கள் பெரும்பான்மை சமூகமான சிங்கள மொழி பேசுபவர்களுக்கு கதையைச் சொல்ல வேண்டும் என்று முடிவு செய்தனர். காலத்தை வீணாக்காமல், அவர்கள் வளங்களைச் சேகரித்து, பல அறிக்கையிடல் பயணங்களை மேற்கொண்டனர், மேலும் கடந்த சில மாதங்களாக உள்ளூர்வாசிகள் மற்றும் நிபுணர்களுடன் பல நேர்காணல்களை நடத்தினர். அப்பகுதியில் உள்ள வெகுஜன புதைகுழி தளம் குறித்த 'செம்மணி' என்ற சிங்கள மொழி, நூலை எழுதினார்கள், இது தமிழ் பொதுமக்களின் எச்சங்களைக் கொண்டிருப்பதாக நம்பப்படுகிறது, இது 1990 களின் நடுப்பகுதியில், இலங்கை இராணுவம் யாழ்ப்பாணத்தைக் கைப்பற்றிய சிறிது காலத்தில் இருந்தது.

இளம் பத்திரிகையாளர்கள் சங்கத்தின் உறுப்பினர்களான சுயாதீன பத்திரிகையாளர்களான தரிந்து ஜெயவர்தன, எம்.எல் .எம். பசீர் மற்றும் தரிந்து உடுவரகெதர ஆகியோரால் எழுதப்பட்ட இந்த நூல் சமீபத்தில் கொழும்பில் உள்ள தேசிய நூலகத்தில் சபை நிரம்பிய கேட்ப்போர்கூடத்தில் வெளியிடப்பட்டது. இரண்டு சிங்களவர்கள் ஒரு முஸ்லிம் இலங்கையின் முஸ்லிம்கள் தமிழ் பேசும் மக்கள். ஆனால் ஒரு தனித்துவமான இன - மதக் குழுவாக அடையாளம் காணப்படுகிறார்கள் ஆகிய எழுத்தாளர்களின் துணிச்சலான முயற்சி இது, தமிழர்களுக்கு எதிரான அரச படைகளின் அட்டூழியங்கள் குறித்த குற்றச்சாட்டுகளை உறுதியாக நிராகரிக்கின்றனசிங்கள வாசகர்களுக்கு ஒரு தொந்தரவான போர்க்கால அத்தியாயத்தை இது வெளிக்கொணருவதற்கான முயற்சியாக இது காணப்படுகிறது

உள்நாட்டுப் போர் முடிவடைந்து பதினாறு ஆண்டுகளுக்குப் பிறகும், நாட்டின் வடக்கு மற்றும் தெற்கில் இலங்கையின் ஆயுதப் படைகளுக்கும் தமிழீழ விடுதலைப் புலிகளுக்கும் இடையிலான போர் குறித்த முரண்பாடான விவரிப்புகள் ஒரு சந்திப்பான இடத்தைக்கொண்டிருப்பது கண்டுபிடிக்கப்பட வில்லை சிங்களவர்களிடையே, ஆதிக்கம் செலுத்தும் கதை, தமிழ் பொதுமக்கள் இறப்பு பற்றிய அறிக்கைகளை நிராகரிக்கும் வகையில், 'போர் வீரர்கள் பயங்கரவாதத்தை ஒழிப்பவர்கள்' என்ற அவர்களின் வீரர்கள் பற்றியதாகும்.