தமிழரின் விடுதலைக்கு புதிய சிந்தனை வேண்டும் புதிய வழி வேண்டும்!

வரலாற்றிலிருந்து பாடங்களைக் கற்றுக் கொண்டு, வெற்றிகளிலும் தோல்விகளிலுமிருந்து பாடங்களைக் கற்றுக் கொண்டு இனி நடக்க வேண்டியதற்கான விடுதலைப் பாதையை முன்னெடுக்க, இன்றை 21 ஆம் நூற்றாண்டின் முதற்காற் பகுதியில் காணப்படும் உள்நாட்டு, வெளிநாட்டுச் சர்வதேச யதார்த்தத்தைச் சரிவர மதிப்பீடு செய்து ஈழத் தமிழினம் தனக்கான புதிய கட்ட தேசிய வாதத்தை வடிவமைத்து முன்னெடுக்க வேண்டும்

- 

ஈழத்தமிழர்கள்பெருமைக்குரியவர்கள் தான். ஆனால் நாம் பேசிக் கொண்டிருக்கும் எல்லாப் பெருமைகளை விடவும் எதிரிக ளின் காலடிகளில் அடிமைகளாய் வீழ்ந்து நசிந்து கிடக்கும் யதார்த்தம் உள்ளங்கை நெல்லிக்கனி போல் வெளிப்படையா னதும் அதேவேளை கற்பனைகளுக்கப்பால் மிகவும் மோசமானதுமாகும்.

கனவிற் சொர்க்கமும் நனவில் நரகமு மாய் ஈழத்தமிழரின் நிஜமான வாழ்நிலை யுண்டு. கனவுக்கும் நனவுக்குமிடையில் ஒரு கோட்டைக் கீறிக் கற்பனைகளைக் கடந்து, புகழ்ச்சி, இகழ்ச்சிகளைக் கடந்து, யதார்த்த தத்தில் காணப்படுவதை கருத்திலெடுத்து, நடக்க வேண்டியதைக் கையிலெடுக்க வேண்டும்.

ஒரு மருத்துவர் தவறிழைத்தால் ஒரு நோயாளி இறந்து போகலாம். ஆனால் ஒரு தத்துவஞானியோ, ஒரு சமூக சிந்தனை யாளரோ, ஒரு தலைவரோ தவறிழைத்தால் ஒரு சமூகக் கூட்டமே அழிந்துபோக முடியும்.

இந்த வகையிற் சமூக சிந்தனையாளர்க ளுக்கும் தலைவர்களுக்கும் அதிக பொறுப் புண்டு. அரசியலறிவியற் சித்தனையானது பெரிதும் தத்துவார்த்த கண்ணோட்டத்தி னடிப்படையிற் கட்டமைப்புச் செய்யப்பட வேண்டும்.

சாதாழை அறிவியலலையில் மிதந்து கண்ணுக்குத் தெரியும். ஆனால் அது கரை ஒதுங்கிப் பெரு மரமாகாது. அரசியலைத் தத்துவார்த்த அடிப்படையிற் சிந்திக்கவும் வரையறுக்கவும் முன்னெடுக்கவும் தவறு வது அழிவுக்கேதுவான மாபெரும் குற்றச் செயலாகும்.

இச்சிறு கட்டுரை தத்துவார்த்த அடிப்படை யிற் அரசியலைச் சிந்திக்குமாறு வற்புறுத்தி அதன் வழி பயணிக்கின்றது.

இந்தப் பிரபஞ்சத்தில் ஒவ்வொன்றும் காணப்படும் யதார்த்தத்தினால் நிர்ணயிக் கப்படுகின்றது.

இதனைப் பின்வரும் மேற்கோள் விவர மாக கூறுகிறது.

Determinism: This philosophical view posits that every event or state of affairs, including human actions, is determined by preceding events in accordance with the laws of nature. Classical physics often supports determinism, suggesting that if we had complete knowledge of the current state of the universe, we could predict the future.