கொத்தலாவல மருத்துவபீடத்தை மீண்டும் திறக்க அரசு நடவடிக்கை எடுக்க வேண்டும்

சேர் ஜோன் கொத்தலாவல பாதுகாப்புப் பல்கலைக்கழகத்தில் மருத்துவப் பட்டப்படிப்பை நிறுத்த அரசாங்கம் முடிவு செய்துள்ளது. இந்த மருத்துவப் பட்டப்படிப்பு இலங்கை மருத்துவ சபையால் அங்கீகரிக்கப்பட்ட, ஏற்றுக்கொள்ளப்பட்ட ஒரு கற்கையாகும் என எதிர்க்கட்சித் தலைவர் சஜித் பிரேமதாச தெரிவித்தார்.

- 

கொத்தலாவல மருத்துவ பீடத்திற்கு உள்நாட்டு மாணவர்களைச் சேர்ப்பதை நிறுத்த அரசாங்கம் எடுத்துள்ள நடவடிக்கைகள் குறித்து விசேட கருத்தை முன்வைக்கும் போதே எதிர்க்கட்சித் தலைவர் சஜித் பிரேமதாச இவ்வாறு தெரிவித்தார்.

அவர் மேலும் கூறுகையில்,

இதற்கமைய ஆண்டுதோறும் தற்போது 50 உள்நாட்டு மாணவர்கள் முப்படை அல்லது பொலிஸ் கடேட் அலுவலராக இணைந்துகொள்வதன் மூலமும், தகைமை பெற்ற வெளிநாட்டு மாணவர்களும் 100 உள்வாரி மாணவர்கள் மற்றும் 150 மாணவர்கள் கட்டண முறையில் மாத்திரம் இப்பல்கலைக்கழகத்தில் மருத்துவப் பட்டப்படிப்புக்கான வாய்ப்புகளைப் பெற்றுக்கொள்ள முடியும். இதை நிறுத்துவது நமது நாட்டில் கல்வித்துறையில் மாணவர்களுக்கான வாய்ப்புகளை இழக்கச் செய்கின்றது. இது பாரிய தவறாகும்.