இலங்கையில் சுற்றுலாப் பேருந்து சட்டங்கள்: வெளிநாட்டவர்க்கு ஒரு நீதி உள்ளூர்வார்க்கு ஒன்றா?

இலங்கை தீவானது சுற்றுலாத்துறைக்குப் புகழ்பெற்ற நாடாகும் வெளிநாட்டவர்கள் மட்டுமல்ல இலங்கையர்களும் தாம் வசிக்கும் இடங்களுக்கு அப்பால் நாடு முழுவதும் சுற்றுலா பயணங்களை மேற்கொள்கின்றனர். இவ்வாறு தமது விடுமுறை நாட்களில் பலரும் நாட்டின் பிற பாகங்களுக்குச் சென்று வருவதற்காகச் சுற்றுலா பேருந்துகளைப் பயன்படுத்துகின்றனர்.

- மு. நிமியா, ஊடகக் கற்கைகள் துறை, யாழ். பல்கலைக்கழகம்.

இது பெரும்பாலும் தனியார் பேருந்தாகவே காணப்படுகிறது. அண்மைக்காலங்களில் சுற்றுலா பேருந்துகள் அதிக அளவில் விபத்துக்குள்ளாவதனை காண முடிகிறது. இலங்கையில் வெளிநாட்டுச் சுற்றுலாப் பயணிகள் பயணிக்கும் பேருந்துக்கும், உள்நாட்டுச் சுற்றுலாப் பயணிகள் பயணிக்கும் பேருந்திற்குமான சட்டங்கள் வேறுபட்டுள்ளன. இலங்கையின் வீதிகளில் அண்மையில் நடந்த தொடர்ச்சியான, துரதிர்ஷ்டவசமான பேருந்து விபத்துக்கள், தேசத்தின் போக்குவரத்துக் பாதுகாப்புக் கொள்கைகள் குறித்து கடுமையான விவாதங்களை எழுப்பியுள்ளன. இலங்கையில் உள்நாட்டுச் சுற்றுலாப் பயணிகளை ஏற்றிச் செல்லும் பேருந்துகளுக்கு, வெளிநாட்டுச் சுற்றுலாப் பயணிகளை ஏற்றிச் செல்லும் பேருந்துகளுக்கு உள்ளதைப் போன்ற தனித்துவமான மற்றும் கடுமையான சட்டங்கள் மற்றும் வழிகாட்டுதல்கள் பொதுவாக இல்லை. வெளிநாட்டுச் சுற்றுலாப் பயணிகளுக்கான சட்டங்களும் நடைமுறைகளும், பெரும்பாலும் வெளிநாட்டு முதலீட்டை ஈர்ப்பது, இலங்கையின் நற்பெயரைப் பாதுகாப்பது, மற்றும் சர்வதேச தரங்களைப் பூர்த்தி செய்வது போன்ற நோக்கங்களுக்காகவே உருவாக்கப்பட்டன. உள்நாட்டுப் பேருந்து சேவைகளுக்கான சட்டங்கள், தனியார் மற்றும் அரச பேருந்துகள் உட்பட, பொதுப் போக்குவரத்தை ஒழுங்குபடுத்துவதற்கும், உள்ளூர் மக்களின் பாதுகாப்பையும் வசதியையும் உறுதி செய்வதற்கும் கவனம் செலுத்துகின்றன. எனினும், உள்நாட்டுச் சுற்றுலாப் பயணிகளை ஏற்றிச் செல்லும் பேருந்துகளுக்குக் கடுமையான சட்டங்களை விதிக்காமையே பல முறையற்ற விபத்துகளுக்குக் காரணமாகின்றன.

இலங்கையில் சுற்றுலாப் பேருந்து தொடர்பான பொதுவான பேருந்து போக்குவரத்துச் சட்டங்களுக்கு மேலதிகமாக, சில குறிப்பிட்ட சட்டங்கள் மற்றும் வழிகாட்டுதல்கள் உள்ளன. இவை சுற்றுலாப் பயணிகளின் பாதுகாப்பு, வசதி மற்றும் தரமான சேவையை உறுதி செய்வதற்காக இலங்கை சுற்றுலா அபிவிருத்தி அதிகாரசபை மற்றும் மோட்டார் வாகனப் போக்குவரத்துத் திணைக்களம் போன்ற நிறுவனங்களால் உருவாக்கப்பட்டவை.

சுற்றுலாப் பேருந்துகளுக்குப் பொருந்தும் சில தனிச்சட்டங்கள் மற்றும் நடைமுறைகள்