“சூழ்ச்சிக்கு இடமில்லை"

ஒன்று கூடுங்கள்: மக்களுக்கு தெளிவுப்படுத்துங்கள்

- 

எதிர்க்கட்சிகள் காணும் கனவு ஒருபோதும் பலிக்காது” என்று தெரிவித்துள்ள ஜனாதிபதி அனுரகுமார திசாநாயக்க, கதவு திறக்கும் சத்தமும் பெரே அடிக்கும் சத்தங்களின் வித்தியாசமும் தனக்கு நன்கு விளங்கும். ஆகையால், அரசாங்கத்தால் முன்னெடுக்கப்படும் வேலைத்திட்டங்கள் தொடர்பில் உங்களுடைய தெளிவுப்படுத்தல்களை மக்கள் முன் கொண்டுச்செல்லுங்கள், தெளிவுப்படுத்துங்கள் ஆனால், சூழ்ச்சிகளை செய்ய முயற்சிக்காதீர்கள் அதற்கு ஒருபோதும் இடமளிக்கமாட்டோம் என்றார்.

நாட்டின் பொருளாதாரம் தொடர்பில் பாராளுமன்றில் வியாழக்கிழமை (07) விசேட உரையொன்றை நிகழ்த்தினார். எவ்விதமான ஆவணங்களையும் பார்க்காது சுமார் ஒன்றரை மணிநேரம் பேசிய ஜனாதிபதி அனுரகுமார திசாநாயக்க, எதிர்க்கட்சிகளின் இடையீட்டு கேள்விக்கும் பதிலளித்தார். அதேபோல, ஆட்சியை கவிழ்ப்பதற்காக, சூழ்ச்சிகளை செய்யவேண்டாமென ஒரு சந்தர்ப்பங்களில் கடுந்தொனியில் எச்சரித்தார்.

இலங்கை மீதான அமெரிக்கா விதித்த பரஸ்பர வரியை 20 சதவீதமாக குறைப்பதற்கான எந்த ஒப்பந்தமும் இறுதி செய்யப்படவில்லை.

மேலும், அமெரிக்கா விதித்த வரியை மேலும் குறைப்பது தொடர்பான கலந்துரையாடல்கள் ஏற்கனவே ஆரம்பிக்கப்பட்டுள்ளது என்றார்.

இதுவரை இடம்பெற்ற கலந்துரையாடல்களில் சில உடன்பாடுகள் எட்டப்பட்டுள்ளதாகவும், அதன் விளைவாக வரி 20 சதவீதமாக குறைக்கப்பட்டுள்ளதாகவும் ஜனாதிபதி மேலும் தெரிவித்தார்.

எங்கள் வர்த்தக இடைவெளியின் அடிப்படையில் எங்களுக்கு 44 சதவீதம் கிடைக்கிறது. அதுதான் அவர்களின் கொள்கை.