உள்ளூராட்சி சபைகளில் பெண்களும் ஆட்சி அதிகாரமும்

நாடு பூராகவுமுள்ள அனைத்து உள்ளூராட்சி மன்றங்களிலும் மிக நீண்ட இழுபறிக்குப் பின்னர் சகல சபைகளிலும் ஆட்சியமைத்திருக்கிறது.

- அ. அச்சுதன்

அனேகமான அரசியல் கட்சிகள் ஒவ்வொன்றும் தாமே அதிகாரத்தைக் கைப்பற்றிக் கொள்ள வேண்டுமென்ற எண்ணத்தில் பகீரதப் பிரயத்தனங்களில் ஈடுபட்டிருந்தன.

இந்த நிலையில் இலங்கையில் முதன்மையான உள்ளூராட்சி சபையொன்றின் நிர்வாகத்தைக் கைப்பற்றி தேசிய மக்கள் சக்தி புதியதொரு வரலாற்றைப் பதிவு செய்துள்ளது. ஆறு தசாப்தங்களுக்கு மேலாகத் தனியொரு கட்சியின் அதிகாரத்திலிருந்த கொழும்பு மாநகரசபையைத் தனது கட்டுப்பாட்டுக்குள் கொண்டுவரத் தேசிய மக்கள் சக்தியால் முடிந்துள்ளது.

இந்த அடிப்படையில் கொழும்பு மாநகர மேயராகத் தெரிவு செய்யப்பட்டுள்ள விராய் கெலி பல்தசார் இரண்டாவது பெண் மேயர் என்ற பெருமையையும் பெற்றுள்ளார். இதற்கு முன்னர் ஐக்கிய தேசியக் கட்சியைச் சார்ந்த ரோசி சேனாநாயக்க மேயராக இருந்தார். ஐக்கிய தேசியக் கட்சியின் தொடர் வெற்றியும் இங்கு முறியடிக்கப்பட்டுள்ளது.

இவ்வாறான நிலையில், நாட்டின் ஏனைய பகுதிகளில் உள்ள பல உள்ளூராட்சி சபைகளில் ஆட்சியதிகாரம், பெண் வேட்பாளர்கள் எதிர் நோக்கிய சவால்கள், அரசியல் கட்சிகள் பெண்களுக்கு வழங்கிய இட ஒதுக்கீடு எவ்வாறு காணப்பட்டது இது பற்றிய தகவல்களுடன் முக்கிய விடயங்களைப் பதிவு செய்கிறது இக் கட்டுரை ...

ஜனநாயகம் என்பது மக்கள் ஆட்சி என்று அடிப்படையாக எடுத்துக்கொள்ளப்படும் ஒரு அரசியல் அமைப்பு அதில், உள்ளூராட்சி அமைப்புகள் அதன் அடித்தளமாகக் கருதப்படுகின்றன, கிராம, நகர நிர்வாகங்களை மக்கள் நேரடியாகத் தேர்ந்தெடுக்கும் இந்த அமைப்புகள், அவர்களின் அன்றாட தேவைகளுக்குத் தீர்வு காணும் திறனுடையவை எனவே, உள்ளூராட்சி மன்றத் தேர்தல் என்பது வெறும் ஒரு முற்போக்கு நடவடிக்கையாக அல்ல அது மக்கள் ஆட்சியின் உயிரோட்டமாக விளங்குகிறது.