பெண் வேட்பாளர்கள் எதிர்நோக்கிய சவால்கள்

இலங்கையின் உள்ளூராட்சி மன்றத் தேர்தல் சமீபத்தில் நிறைவடைந்தது. மக்கள் பெருமளவில் பங்கேற்று தங்கள் ஜனநாயக உரிமையை நிலைநாட்டியமை மிகக் காணத்தக்கதொரு நிகழ்வாகும். ஆனால், தேர்தல் முடிந்ததன் பின் எதை நாம் எதிர்பார்க்க வேண்டும்? வெற்றியடைந்த உறுப்பினர்கள் என்ன செய்ய வேண்டும்? மக்களின் பங்கு இப்போது என்ன? பெண் வேட்பாளர்கள் எதிர்நோக்கிய சவால்கள் என்ன? இதுதான் இக்கட்டுரையின் மையக் கேள்வி.

- 

ஜனநாயகம் என்பது மக்கள் ஆட்சி என்று அடிப்படையாக எடுத்துக்கொள்ளப்படும் ஒரு அரசியல் அமைப்பு. அதில், உள்ளூராட்சி அமைப்புகள் அதன் அடித்தளமாகக் கருதப்படுகின்றன. கிராம, நகர நிர்வாகங்களை மக்கள் நேரடியாகத் தேர்ந்தெடுக்கும் இந்த அமைப்புகள், அவர்களின் அன்றாட தேவைகளுக்குத் தீர்வு காணும் திறனுடையவை. எனவே, உள்ளூராட்சி மன்றத் தேர்தல் என்பது வெறும் ஒரு முற்போக்கு நடவடிக்கையாக அல்ல; அது மக்கள் ஆட்சியின் உயிரோட்டமாக விளங்குகிறது.

தேர்தலை நோக்கிச் செல்லும் காலம், அரசியல் சூழ்நிலையின் விசாரணைக் காலமாக அமைகிறது. வேட்பாளர்கள் தங்களது வாக்குறுதிகளைக் கொண்டு மக்களிடம் நம்பிக்கையைப் பெற முயல்கின்றனர். இதே நேரத்தில், வாக்காளர்களின் விழிப்புணர்வும் இக்காலத்தில் மிக முக்கியம். ஒரு வாக்கு என்பது எதிர்கால சமூகத்தின் உருவமைப்பை தீர்மானிக்கக்கூடிய ஒரு வலுவான கருவி. ஊடகங்கள், குடிமக்கள் அமைப்புகள், சமூக ஊடகங்கள் என பல்வேறு அமைப்புகள் இந்த விழிப்புணர்வைத் தூண்டும் பணியில் ஈடுபட வேண்டும்.

ஒரு திகதியிலே மக்கள் வரிசையாக நின்று, தங்கள் விருப்பத்தை வாக்குப் பெட்டியில் இடும் அந்தத் தருணம் - ஜனநாயகத்தின் சோதனைத் தருணமாகும். வாக்குப்பதிவின் ஒழுங்கு, பாதுகாப்பு மற்றும் சரியான கண்காணிப்பு ஆகியவை தேர்தலின் நம்பகத்தன்மையை நிரூபிக்கின்றன. வன்முறை, ஊழல், வாக்களிப்பின் கட்டாயம் போன்ற விடயங்கள் இல்லாமல், சுதந்திரமான, நியாயமான தேர்தல் நடக்க வேண்டும் என்பது அனைவரதும் பொதுவான எதிர்பார்ப்பு.

தேர்தல் முடிந்து, வெற்றியடைந்தவர்கள் பதவியேற்கும் தருணம் புதிய பொறுப்புகளை ஆரம்பிக்கும் நேரமாகும். அவர்கள் மக்களுக்குக் கொடுத்த வாக்குறுதிகளை நினைவில் கொண்டு, திட்டமிட்டு செயல்படவேண்டும். மக்கள் நலனுக்கான திட்டங்கள், திறந்த நிர்வாகம், ஒழுங்கு மற்றும் பொறுப்புணர்வு - இவை எல்லாம் அவர்களது நடைமுறையால் சாத்தியமாக வேண்டும். தோல்வியடைந்த வேட்பாளர்களும் ஜனநாயகத்திற்குப் பணிவுடன் ஒத்துழைத்து, நல்லாட்சிக்கான தங்களது பங்களிப்பைத் தொடர வேண்டும்.

இவ்விடத்தில் மேலும் ஒரு கவனிக்க வேண்டிய முக்கியமான ஒரு விடயம் இருக்கிறது அதாவது அரசியலில் பெண்கள் எதிர்நோக்கும் சவால்கள்.