ஊரகப் பகுதிகளில் மக்களுடன் முதல்வர்' மூன்றாம் கட்ட சிறப்பு முகாம்கள்

கள்ளக்குறிச்சி மாவட்டத்தில் ஊரகப் பகுதிகளில் 'மக்களுடன் முதல்வர்' மூன்றாம் கட்ட சிறப்பு முகாம்கள் தொழிலாளர் நலன் மற்றும் திறன் மேம்பாட்டுத் துறை அமைச்சர் தலைமையில் 28.05.2025 அன்று தொடங்குகிறது. மாவட்ட ஆட்சித்தலைவர் எம்.எஸ்.பிரசாந்த் தகவல்.

- 

தமிழ்நாடு முதலமைச்சர் தமிழ்நாட்டின் முதலமைச்சராகப் பொறுப்பேற்ற நாள் முதல் பொதுமக்களின் ஏற்றமிகு வாழ்விற்குப் பல்வேறு முன்னோடித் திட்டங்களைச் செயல்படுத்தி வருகிறார்கள். இதன் ஒரு பகுதியாக, தமிழக அரசு, பொதுமக்களின் குறைகளை உடனுக்குடன் களைந்து தீர்வு காணுவதற்கு முன்னுரிமை அளித்துச் செயலாற்றி வருகிறது.

அந்த வகையில், பொதுமக்களிடமிருந்து மனுக்களைப் பெற்ற 30 நாட்களுக்குள் அத்தியாவசிய முக்கிய சேவைகளை அவர்களின் இல்லத்திற்கு அருகே வழங்கும் நோக்கத்துடன் 'மக்களுடன் முதல்வர்' திட்டம் துவங்கப்பட்டுச் செயல்படுத்தப்பட்டு வருகிறது. ஏற்கனவே கள்ளக்குறிச்சி மாவட்டத்தில் நகர்ப்புற மற்றும் ஊரகப் பகுதிகளில் 'மக்களுடன் முதல்வர்' திட்ட முகாம் 2 கட்டங்களாக நடத்தி முடிக்கப்பட்டு, பொதுமக்களின் பல்வேறு கோரிக்கை மனுக்களுக்குத் தீர்வு காணப்பட்டுள்ளது.