దేవరకొండ గడ్డ కాంగ్రెస్ అడ్డా

త్వరలోనే ఎస్ఎల్బీసీ ప్రాజెక్టు పూర్తి చేస్తాం • పేదలకు ఇళ్లు ఇవ్వకుండా 2 వేల కోట్లతో గడీ మాత్రం కట్టుకున్న కేసీఆర్ • పదేళ్లు తెలంగాణ ప్రజలను పట్టిపీడించిన నాయకులను ఓడించాం • నిజాం నవాబులను తరిమికొట్టిన ప్రాంతం ఈ నల్గొండ కాంగ్రెస్ పాలనలో పేదలకు న్యాయం జరిగింది • 200 యూనిట్ల ఉచిత విద్యుత్ ఇవ్వడం వల్ల పేదల ఇళ్లలో వెలుగులు నిండాయి • దేవరకొండ సభలో ముఖ్యమంత్రి రేవంత్ రెడ్డి

- 

ఈ ప్రభుత్వ హయాంలోనే ఎస్ఎల్బీసీ ప్రాజెక్టు పూర్తి చేసి నల్గొండ జిల్లాకు నీరు అందిస్తామని ముఖ్యమంత్రి రేవంత్రెడ్డి హామీ ఇచ్చారు. ప్రజా పాలన విజయోత్సవాల్లో భాగంగా నల్గొండ జిల్లా దేవరకొండ నియోజకవర్గంలో రూ.23 కోట్లతో చేపట్టనున్న అభివృద్ధి పనులకు ముఖ్యమంత్రి శంకుస్థాపన చేశారు. "పోరాటాల పౌరుషం ఉన్న గడ్డ నల్గొండ. నిజాం నిరంకుశ పాలనను ఎదురించిన జిల్లా నల్గొండ. ప్రజా ప్రభుత్వానికి అండగా నిలిచిన అందరికీ ధన్యవాదాలు. గత ప్రభుత్వం పదేళ్ల పాటు పేదలకు ఒక్క రేషన్ కార్డు కూడా ఇవ్వలేదు. కాంగ్రెస్ ప్రభుత్వం అధికారంలోకి రాగానే కొత్త రేషన్ కార్డులు ఇచ్చింది.