Bettie Kemp onthou M.E.R. in Swellendam

M.E.R. oftewel Maria Elizabeth Rothmann is op 28 Augustus 1875 in Swellendam gebore.

- Johan Victor

Sy was een van die merkwaardigste vroue wat ons land die afgelope eeu opgelewer het en sy word ook as een van die grootste Afrikaanse skryfsters en een van die grootste Afrikaners van die twintigste eeu beskryf. In 1893 was sy maar die vierde vrou wat by die South African College, voorloper van die Universiteit van Kaapstad, gaan studeer het.

M.E.R. word ook onthou as een van die grootste pioniers van georganiseerde welsynswerk en gemeenskapsdiens in die algemeen in Suid-Afrika.

Hierdie merkwaardige vrou is in 1975, tien dae na haar honderdste verjaarsdag, in Swellendam oorlede.