દારૂબંધીના લીરે લીરાઃ SMCએ સરખેજ નજીકથી ૧.૨૦ કરોડનો દારૂ પકડ્યો

ઘેટાં-બકરાંના ઊનાનીઆડમાં દારૂનો જથ્થો પંજાબથી લાવવામાં આવ્યો હતો એસપી રિંગ રોડ પર ટ્રક પાર્ક કરેલી હતી ત્યારે SMCએ દરોડા પાડ્યા

- 

ગુજરાતમાં દારૂ, ડ્રગ્સ અને જુગારના અડ્ડાઓ પર શરૂ થયેલી રાજનીતિ વચ્ચે સ્ટેટ મોનિટરિંગ સેલની ટીમને સરખેજ નજીક આવેલા એસપી રિંગ રોડ પરથી ૧.૨૦ કરોડથી વધુ કિંમતનો દારૂનો જથ્થો મળી આવતાં ચકચાર મચી ગઈ છે. દારૂબંધીના લીરે લીરા ઊડ્યા હોય તેવાં દશ્યો એસપી રિંગ રોડ પર સર્જાયાં હતાં. ગેરકાયદે અડ્ડાઓ પર પોલીસ સ્ટ્રાઈક કરી રહી છે ત્યારે આટલો મોટો જથ્થો અમદાવાદથી જઈ રહ્યો હતો, જેને લઈ અનેક સવાલ ઊભા થયા છે. એસએમસીએ ઘણા સમય પછી અમદાવાદમાંથી આટલો મોટો દારૂનો જથ્થો ઝડપી પાડ્યો છે. ઘેટાં-બકરાંના ઊનની આડમાં દારૂનો જથ્થો પંજાબથી લવાતો હોવાનું સામે આવ્યું છે.