મધ્ય, ઉત્તર અને દક્ષિણ ઝોનમાં તંત્ર ત્રાટક્યુંઃ ૨૮ એકમને સીલ કરાયા

મ્યુનીસિપલ સોલિડ વેસ્ટ મેનેજમેન્ટ વિભાગનો જોરદાર સપાટો: તહેવારોમાં પણ આક્રમક કાર્યવાહી ચાલુ રાખવાની ચેતવણી

- 

વિકાસની હરણફાળ ભરી રહેલા અમદાવાદ શહેરને ચોખ્ખુંચણાક રાખવાની કપરી જવાબદારી મ્યુનિસિપલ સોલિડ વેસ્ટ મેનેજમેન્ટ વિભાગ નિભાવી રહ્યો છે. શહેરમાં વરસી રહેલાં હળવાં ઝાપટાં વચ્ચે તંત્રની વિવિધ ટીમ પણ અલગ અલગ ઝોનમાં ત્રાટકી રહી છે અને પ્રતિબંધિત પ્લાસ્ટિકના વપરાશ તથા જાહેરમાં ગંદકી કરવાના મામલે ધંધાકીય એકમને સીલ મારી રહી છે. શહેરના મધ્ય, ઉત્તર અને દક્ષિણ ઝોનમાં સપાટો બોલાવીને તંત્રએ વિવિધ ગુના સબબ ૨૮ એકમને સીલ મારી દીધાં છે. સોલિડ વેસ્ટ મેનેજમેન્ટ વિભાગના ડેપ્યુટી ડિરેક્ટરે સ્પષ્ટ શબ્દોમાં જણાવ્યું છે કે આ સપ્તાહથી શ્રાવણિયા તહેવારોનો પ્રારંભ થઈ રહ્યો છે ત્યારે આ સમયગાળામાં પણ તંત્ર દ્વારા આક્રમક કાર્યવાહી ચાલુ રખાશે અને સ્વચ્છતાના મામલે બેદરકારી દાખવનારા શખ્સો અને ધંધાર્થીઓને દંડવામાં આવશે.