અમદાવાદ બનશે હરિયાળું: મુખ્યપ્રધાનના હસ્તે મિશન ફોર મિલિયન ટ્રીઝ અભિયાનનો આરંભ

વિશ્વ પર્યાવરણ દિવસની અમદાવાદ સહિત રાજ્યભરમાં ઉત્સાહપૂર્વક ઉજવણી

- 

આજે વિશ્વ પર્યાવરણ દિવસની અમદાવાદ સહિત રાજ્યભરમાં ઉત્સાહપૂર્વક ઉજવણી થઇ રહી છે. સીએમ ભૂપેન્દ્ર પટેલે આજે પર્યાવરણ દિવસ ઉજવણી કાર્યક્રમની શરૂઆત મિશન ફોર મિલિયન ટ્રીઝ ૨૦૨૫ સિંદૂર વન નિર્માણથી પ્રારંભ કરી હતી. સીએમ ભૂપેન્દ્ર પટેલના હસ્તે સવારે નવ કલાકે જગતપુર બ્રિજ પાસે અમદાવાદ ખાતે સિંદૂર વન સ્થાપના કરવામાં આવી હતી. સિંદૂર વનમાં ૫૫૧ સિંદૂરનાં રોપાનું વાવેતર થશે. ઉપરાંત મુખ્યપ્રધાન ભૂપેન્દ્ર પટેલની અધ્યક્ષતા હેઠળ “વિશ્વ પર્યાવરણ દિવસ-૨૦૨૫”નો રાજ્ય કક્ષાનો ઉજવણી સમારોહ આજે મહાત્મા મંદિર-ગાંધીનગર ખાતે યોજાયો હતો. આ સમારોહમાં વન અને પર્યાવરણપ્રધાન મૂળુ બેરા તેમજ વન અને પર્યાવરણ રાજ્યકક્ષાના પ્રધાન મૂકેશ પટેલની ઉપસ્થિત રહ્યા હતા.