Waak so teen veldbrande

Veldbrande is nie 'n rare verskynsel in Polokwane nie: Sedert begin Junie is daar meer as 10 veldbrande in die stad op die noodgroepe aangemeld.

- Maretha Swanepoel

Met die gras in dele van die dorp en omliggende kleinhoewes wat droog is, breek daar gereeld 'n veldbrand uit.

Adv. Johan Jonck van Arrive Alive herinner lesers dat indien veldbrande nie beheer word nie, dit eiendom kan vernietig. Dit hou ook gevaar vir mense en diere wat in die omgewing woon, in.

"Hierdie risiko's sluit nie net die brand self in nie, maar ook veiligheidsrisiko's vir padgebruikers. Die rook veroorsaak swak sigbaarheid en daar is die gevaar van rookinaseming."

Volgens Jonck is daar twee soorte veldbrande, naamlik natuurlike brande en onnatuurlike brande.