கர்நாடக காங்கிரஸ் அரசின் செயலைக் கண்டு கைகட்டி வேடிக்கை பார்ப்பதா?

முதல்வர் விஜய்க்கு, எடப்பாடி கேள்வி!

- 

மேகதாது அணைத் திட்டத்தை எதிர்க்க தமிழக அரசுக்கு எந்த உரிமையும் இல்லை என்று கர்நாடக துணை முதலமைச்சர் தெரிவித்திருப்பதை கைகட்டி வேடிக்கை பார்ப்பதா என்று முதல்வர் விஜய்க்கு எடப்பாடி பழனிசாமி கேள்வி விடுத்துள்ளார்.

தமிழ்நாட்டுக்கும், கர்நாடகத்துக்கும் இடையே நீண்ட வருடமாக காவிரி நீர் பிரச்சினை உள்ளது. மழை குறைவாக உள்ள காலங்களில் கர்நாடக அரசு உரிய தண்ணீரை தமிழ்நாட்டுக்கு தருவதில்லை.

மிதமிஞ்சிய அளவுக்கு மழை பெய்யும் போது அதை தேக்க வழியில்லாமல் உபரி நீரை திறந்து விடும்போதுதான் தமிழ்நாட்டுக்கு அதிகம் கிடைக்கிறது. மற்ற காலங்களில் போராடித்தான் தண்ணீரை பெற வேண்டிய நிலை உள்ளது.

இப்படிப்பட்ட நிலையில் கர்நாடக எல்லைக்குள் மேகதாது என்ற இடத்தில் புதிய அணையைக் கட்ட அந்த மாநில அரசு நீண்ட வருடமாக திட்டம் வகுத்துள்ளது.

இந்த அணையில் நீரை தேக்கி வைத்து பெங்களூர் நகர மக்களுக்கு குடிநீர் வழங்க முடிவு செய்துள்ளது. இதை தமிழக அரசு கடுமையாக எதிர்த்து வருகிறது.

இருந்தாலும் அந்த மாநில அரசு தொடர்ந்து முயன்று வருகிறது. இது தொடர்பாக நீதிமன்றத்திலும் வழக்கு நிலுவையில் உள்ளது.