2 முறை விதித்த கெடுவுக்கும் பதில் இல்லை: பா. ம.க.வில் இருந்து அன்புமணி நீக்கம்!

பா.ம.க. நிறுவனர் டாக்டர் ராமதாஸ், அவரது மகன் அன்புமணி மீது 16 குற்றச் சாட்டுகளை சுமத்தி அவற்றுக்கு பதில் அளிக்குமாறு உத்தரவிட்டார். இதற்காக 2 முறை கெடுவும் விதித்தார். ஆனால் பதில் கொடுக்காததால் அன்புமணியை பா.ம.க.வில் இருந்து டாக்டர் ராமதாஸ் நீக்கிவிட்டார்.

- 

அத்துடன் அன்புமணியின் செயல் தலைவர் பதவியும், அடிப்படை உறுப்பினர் பதவியும் பறிக்கப்பட்டுள்ளது.

பா.ம.க.வில் டாக்டர் ராமதாஸ் நிறுவனத்தலைவராக உள்ளார். அவரது மகன் அன்புமணி தலைவராக பதவி வகித்தார். இந்நிலையில் கடந்த சில மாதங்களாக இவர்களுக்கு இடையே அதிகாரப் போட்டி இருந்து வருகிறது.

கடந்த ஆண்டு புதுச்சேரியில் பா.ம.க. செயற்குழு கூட்டம் நடைபெற்றது. அதில் தனது மகள் வழிப் பேரன் முகுந்தனை இளைஞரணி தலைவராக டாக்டர் ராமதாஸ் நியமித்தார். அவரது இந்த முடிவுக்கு மேடையிலேயே அன்புமணி கடும் எதிர்ப்பு தெரிவித்தார்.

முகுந்தனின் நியமனத்திற்கு எதிர்ப்பு தெரிவித்து மைக்கை வீசி எறிந்தார். இதனால் அங்கு பரபரப்பு ஏற்பட்டது.

அதிலிருந்து தந்தை-மகனுக்கு இடையே மோதல் உருவாகி தொடர்ந்து அது அதிகரித்து வந்தது. அதைத் தொடர்ந்து அன்புமணியின் தலைவர் பதவியை பறித்துவிட்டு செயல்தலைவர் பதவியை வழங்கினார்.

அன்புமணி ஏற்றுக்கொள்ளவில்லை.

இந்நிலையில் கடந்த மே 16-ஆம் தேதி விழுப்புரம் மாவட்டம் திண்டிவனத்தை அடுத்த தைலாபுரத்தில் பா.ம.க. மாவட்டத் தலைவர்கள் மற்றும் செயலாளர்கள் ஆலோசனைக் கூட்டத்தை டாக்டர் ராமதாஸ் நடத்தினார். அக்கூட்டத்தில் அன்புமணி கலந்து கொள்ளவில்லை. கவுரவத் தலைவர் ஜி.கே. மணி, மாநில பொதுச் செயலாளர் வடிவேல் ராவணன், ராமதாசின் பேரன் முகுந்தன் மற்றும் சிலரே கலந்து கொண்டனர்.

மிகவும் குறைந்த அளவில், அதாவது 9 பேர் என்ற ஓரிலக்க எண்ணடிப்படையில் மாவட்ட செயலாளர்கள்மட்டுமே கலந்து கொண்டனர். மற்ற அனைவரும் புறக்கணித்துவிட்டனர்.

இது டாக்டர் ராமதாசின் மனதை மிகவும் புண்படுத்தியது. தான் கூட்டிய கூட்டத்தில் 80 சதவீதத்திற்கும் அதிகமான நிர்வாகிகள் பங்கேற்காததால் மனம் வருந்திய டாக்டர் ராமதாஸ் தனது மகன் அன்புமணியின் ஆதரவு நிர்வாகிகளை நீக்கு அன்புமணிவதாக அறிவித்தார்.