உறுப்பினர் சேர்க்கையில் ஓ.டி.பி. பெறும் வழக்கு: தி.மு.க. மேல்முறையீட்டு மனுவை உச்சநீதிமன்றம் தள்ளுபடி செய்தது!

உறுப்பினர் சேர்க்கையில் ஓ.டி.பி. பெறும் வழக்கில் தி.மு.க. மேல்முறையீட்டு மனுவை உச்சநீதிமன்றம் தள்ளுபடி செய்தது. உயர்நீதிமன்ற தீர்ப்பில் தலையிட விரும்பவில்லை எனவும் கருத்து தெரிவித்துள்ளது.

- 

சிவகங்கை மாவட்டம், திருப்புவனத்தைச் சேர்ந்த ராஜ்குமார், உயர் நீதிமன்ற மதுரை அமர்வில் பொது நல வழக்கினைத் தாக்கல் செய்திருந்தார். அதில், "ஓரணியில் தமிழ்நாடு என்னும் பெயரில் தி.மு.க.சார்பில் உறுப்பினர் சேர்க்கை நடந்து வருகிறது. அப்போது சேர்க்கப்படும் உறுப்பினர்களின் ஓ.டி.பி.யும் பெறப்படுகிறது. எனவே ஓ.டி.பி. விவரங்களை கேட்பதற்கு தடை விதிக்க வேண்டும். இந்த உறுப்பினர் சேர்க்கைக்கும் தடை விதிக்க வேண்டும்" என்றும் கூறியிருந்தார்.