વેપારીનું અપહરણ કરી 5 લાખની ખંડણી માગી હોટલ-ખેતરની ઓરડીમાં પૂરી દીધો

વેપારી ઘર નજીક કબૂતરને દાણા નાખવા ગયા ત્યારે છરી બતાવી અપહરણ કર્યું સોલા પોલીસે ત્રણ શખ્સો સામે ગુનો નોંધી તપાસ હાથ ધરી

- 

ચાંદલોડિયામાં રહેતા વેપારી કબૂતરને દાણા નાખવા ગયો હતો, તે સમયે કારમાં આવેલા ત્રણ શખ્સોએ છરી બતાવી વેપારીનું અપહરણ કરીને કલોલ પાસેની એક હોટલમાં લઈ ગયા હતા. જ્યાં પાંચ લાખ રૂપિયાની માગણી કરી માર માર્યો હતો. બાદમાં વેપારીને ત્યાંથી કડી કેનાલ પાસેના ખેતરમાં આવેલી એક ઓરડીમાં પૂરી રાખી ફટકારી પૈસાની માગણી કરી હતી. જો કે વેપારીએ પૈસા નહીં હોવાનું કહેતા ત્રણેયે વેપારીને ધમકી આપીને કલોલ ઉતારી દીધા હતા. જે મામલે વેપારીએ સોલા પોલીસ સ્ટેશનમાં ફરિયાદ નોંધાવતા પોલીસે ત્રણેય શખ્સો સામે ગુનો નોંધી તપાસ શરૂ કરી