எச்ஐவி தொற்று இல்லாத நிலையை உருவாக்குவோம்

நிலையை உருவாக்க உறுதியேற்போம் என முதல்வர் மு.க.ஸ்டாலின் தெரிவித்துள்ளார்.

- 

தமிழகத்தில் புதிய எச்ஐவி தொற்று இல்லாத நிலையை உருவாக்க உறுதியேற்போம் என முதல்வர் மு.க.ஸ்டாலின் தெரிவித்துள்ளார்.

ஆண்டுதோறும் டிச. 1-ஆம் தேதி உலக எய்ட்ஸ் தினமாக கடைப்பிடிக்கப்படுவதை முன்னிட்டு முதல்வர் மு.க. ஸ்டாலின் ஞாயிற்றுக்கிழமை வெளியிட்ட அறிக்கை:

1986-ஆம் ஆண்டு சென்னையில் முதன் முதலாக எச்ஐவி தொற்று கண்டறியப்பட்ட நாள்முதல் இன்று வரை தமிழக அரசு, எய்ட்ஸ் தடுப்பு மற்றும் கட்டுப்பாட்டுப் பணிகளை கடந்து 39 ஆண்டுகளாக வெற்றிகரமாகச் செய்து வருகிறது. புதிய எச்ஐவி தொற்றை முற்றிலும் தடுக்கும் விதமாக மாநில அரசின் கீழ் இயங்கி வரும் மாநில எய்ட்ஸ் கட்டுப்பாடு சங்கம், அரசு சாரா தொண்டு நிறுவனங்களுடன் இணைந்து எய்ட்ஸ் தடுப்பு நடவடிக்கைகளை திறம்படச் செய்து வருகிறது.