பக்ரீத்: இஸ்லாமியர்கள் சிறப்புத் தொழுகை

பக்ரீத் பண்டிகையை முன்னிட்டு, சிவகங்கை, திருப்பத்தூர், இளையாங்குடி, மானாமதுரை, திருப்புவனம், ராமநாதபுரம் மாவட்டம், திருவாடானை ஆகிய பகுதிகளில் சனிக்கிழமை நடைபெற்ற சிறப்புத் தொழுகையில் இஸ்லாமியர்கள் கலந்து கொண்டனர்.

- 

சிவகங்கை/ திருப்பத்தூர்/ மானாமதுரை/ திருவாடானை, ஜூன் 7: பக்ரீத் பண்டிகையை முன்னிட்டு, சிவகங்கை, திருப்பத்தூர், இளையாங்குடி, மானாமதுரை, திருப்புவனம், ராமநாதபுரம் மாவட்டம், திருவாடானை ஆகிய பகுதிகளில் சனிக்கிழமை நடைபெற்ற சிறப்புத் தொழுகையில் இஸ்லாமியர்கள் கலந்து கொண்டனர்.

இப்ராஹிம் நபிகளாரின் தியாகத்தை நினைவுகூரும் விதமாக தியாகத் திருநாள் எனக் கூறப்படும் பக்ரீத் பண்டிகை கொண்டாடப்படுகிறது. இதை முன்னிட்டு, சிவகங்கை நேரு வீதியிலுள்ள வாலாஜா நவாப் ஜும்ஆ பெரிய பள்ளிவாசலில் சனிக்கிழமை காலை 7 மணியளவில் சிறப்புத் தொழுகையை மௌலானா முஹம்மது அன்சர் நடத்தினார்.

மௌலானா பிலால் முஹம்மது சிறப்பு சொற்பொழிவு நடத்தினார். இதையடுத்து, வாலாஜா நவாப் ஜும்ஆ பள்ளிவாசல் தலைவர் காஜா முகைதீன் தலைமையில் கூட்டு பிரார்த்தனை நடைபெற்றது.