கர்நாடகத்தில் 2 ராணுவ தொழில் வழித்தடம் அமைக்கத் திட்டம்

கர்நாடகத்தில் இரண்டு ராணுவ தொழில் வழித்தடங்களை அமைக்கத் திட்டமிடப்பட்டுள்ளதாக தொழில்துறை அமைச்சர் எம்.பி.பாட்டீல் தெரிவித்தார்.

- 

பெங்களூரு, ஜூலை 8:

இதுகுறித்து பெங்களூரில் செவ்வாய்க்கிழமை செய்தியாளர்களிடம் அவர் கூறியதாவது:

விமானவியல், ராணுவ தளவாட உற்பத்தியில் முன்னணியில் விளங்கும் கர்நாடகத்தில் கோலார், சிக்பளாப்பூர், ஹூப்ளளி பெலகாவியில் இரண்டு ராணுவ தொழில் வழித்தடங்களை அமைக்கும் தேவையிருக்கிறது.

இதுதொடர்பாக மத்திய பாதுகாப்புத் துறை அமைச்சர் ராஜ்நாத் சிங்கைச் சந்தித்து பேசவிருக்கிறோம். இதற்காக முதல்வர் சித்தராமையா புதன்கிழமை தில்லி செல்கிறார்.

வடகர்நாடகம், தென்கர்நாடகத்தில் தலா ஒரு ராணுவத் தொழில் வழித்தடம் தேவைப்படுகிறது. ஒருசில முன்னணி நிறுவனங்கள் பெலகாவியில் செயல்படுகின்றன.