பழனியில் குவிந்த திரளான பக்தர்கள்

பழனி மலைக் கோயிலில் தமிழ்ப் புத்தாண்டு, பங்குனி உத்திரத் திருவிழா நிறைவையொட்டி, பல்லாயிரக்கணக்கானோர் திங்கள்கிழமை சுவாமி தரிசனம் செய்தனர்.

- 

பழனி, ஏப். 14:

தமிழ்ப் புத்தாண்டை முன்னிட்டு, திங்கள்கிழமை பழனி மலைக் கோயிலில் அதிகாலை 4 மணிக்கு சந்நிதி திறக்கப்பட்டு, தண்டாயுதபாணி சுவாமிக்கு அபிஷேகம், சிறப்பு பூஜைகள் நடைபெற்றன. மலைக் கோயில் ஆனந்த விநாயகர் சந்நிதியில் தனூர் யாகம் நடத்தப்பட்டும், விநாயகருக்கு வெள்ளிக் கவசம் அணிவிக்கப்பட்டும் தீபாராதனை காட்டப்பட்டது.

தமிழ்ப் புத்தாண்டு மட்டுமன்றி, பங்குனி உத்திரத் திருவிழா நிறைவு நாள் என்பதால் ஈரோடு மாவட்டம், கொடுமுடியிலிருந்து காவிரி தீர்த்தம் சுமந்தப்படி பழனிக்கு திரளான பக்தர்கள் திங்கள்கிழமை பாதயாத்திரையாக வந்தனர்.