புதுவை மாநில வருவாய் ரூ.11,311 கோடியாக உயர்வு

ஆளுநர் உரையில் தகவல்

- 

புதுச்சேரி, மார்ச் 10: புதுவை மாநிலத்தின் ஆண்டு வருவாய் ரூ.8,418 கோடியிலிருந்து ரூ.11,311 கோடியாக உயர்ந்திருப்பதாக துணை நிலை ஆளுநர் கே.கைலாஷ்நாதன் சட்டப்பேரவைக் கூட்டத்தில் தெரிவித்தார்.

புதுவை மாநில 15-ஆவது சட்டப்பேரவைக் கூட்டத் தொடரின் 6-ஆவது அமர்வு கூட்டம் திங்கள்கிழமை தொடங்கியது.

தமிழ்த்தாய் வாழ்த்துடன் கூட்டம் தொடங்கிய நிலையில், ஆளுநர் கே.கைலாஷ்நாதன் வாசித்த உரை விவரம்:

கடந்த 50 ஆண்டுகளில் இல்லாத அளவுக்கு பாதிப்பை ஏற்படுத்திய ஃபென்ஜால் புயல் மறுவாழ்வு முயற்சிகளை புதுவை அரசு உடனடியாக மேற்கொண்டது.

புயல் பாதிப்புக்கு ரூ.207.18 கோடியை அரசு நிவாரணமாக வழங்கியுள்ளது. மத்திய அரசு புயல் நிவாரணமாக ரூ.83 கோடியை வழங்கியுள்ளது. தேசிய அளவில் நீடித்த வளர்ச்சியில் புதுவை 2-ஆம் இடம் வகிக்கிறது.