தலைமைச் செயலகம் நோக்கி பேரணி: போக்குவரத்து தொழிலாளர்கள் தடுத்து நிறுத்தம்

சென்னையில் தலைமைச் செயலகம் நோக்கி பேரணியாகச் செல்ல முயன்ற போக்குவரத்து தொழிலாளர்களை போலீஸார் தடுத்து நிறுத்தினர்.

- 

சென்னை, மார்ச் 6:

போக்குவரத்துக் கழகங்களின் வரவுக்கும், செலவுக்குமான வித்தியாசத் தொகையை வழங்க அரசாணை 36-இன் படி பட்ஜெட்டில் நிதி ஒதுக்க வேண்டும்; 15-ஆவது ஊதிய ஒப்பந்தத்தை உடனே பேச்சுவார்த்தை மூலம் முடிக்க நடவடிக்கை எடுக்க வேண்டும்; ஓய்வு பெற்ற தொழிலாளர்களுக்கு 112 மாத அகவிலைப்படி உயர்வை வழங்க வேண்டும்; 2023 ஜூன் மாதம் முதல் பணி ஓய்வு பெற்ற தொழிலாளர்களுக்கு ஓய்வு கால பணப்பலன்கள் வழங்க வேண்டும்; காலிப் பணியிடங்களை நிரப்ப வேண்டும் என்பன உள்ளிட்ட கோரிக்கைகளை வலியுறுத்தி போக்குவரத்து தொழிலாளர் சங்கத்தினர் வியாழக்கிழமை தலைமைச் செயலகம் நோக்கி பேரணியாகச் செல்லும் போராட்டம் நடத்தினர்.