பி.இ.: 3-ஆம் சுற்று கலந்தாய்வில் 52,168 மாணவர்களுக்கு ஒதுக்கீடு

பொறியியல் கல்லூரி மாணவர் சேர்க்கையில் மூன்றாம் சுற்றில் மாணவர்களின் விருப்ப கல்லூரிகளில் மாற்றம் கோரும் (அப்வேர்டு) செயல்முறைகள் நிறைவுற்று 52,168 மாணவர்கள் ஒதுக்கீடு பெற்றுள்ளதாக தமிழ்நாடு பொறியியல் சேர்க்கை மையம் (டிஎன்இஏ) சார்பில் தெரிவிக்கப்பட்டது.

- 

சென்னை, ஆக.20:

மூன்றாம் சுற்றில் 64,629 மாணவர்களுக்கு கடந்த ஆக. 10-ஆம் தேதி தற்காலிக ஒதுக்கீடு அளிக்கப்பட்டிருந்த நிலையில் சுமார் 12,461 மாணவர்கள் 'அப்வேர்டு' செயல்முறைகளில் விருப்பமான கல்லூரிகள் கிடைக்காதது அல்லது வேறு காரணங்களால் பொறியியல் கல்லூரிகளில் சேர்க்கையிலிருந்து விலகியுள்ளனர்.

மூன்றாம் சுற்றின் இறுதி விவரங்கள் குறித்து தமிழ்நாடு பொறியியல் சேர்க்கை மையம் தரப்பில் புதன்கிழமை தெரிவிக்கப்பட்டதாவது: தமிழக பொறியியல் கல்லூரிகளில் அரசு ஒதுக்கீட்டுக்கான கலந்தாய்வில் முதல் இரு சுற்றுகளில் 92,423 இடங்களுக்கு நிரப்பப்பட்டன.