மோடியுடன் பிலிப்பின்ஸ் அதிபர் சந்திப்பு

14 ஒப்பந்தங்கள் கையொப்பம்

- 

தில்லி, ஆக.5: இந்தியாவுக்கு சுற்றுலாப் பயணம் மேற்கொண்ட பிலிப்பின்ஸ் அதிபர் ஃபெர்னாண்ட் ஆர். மார்கோஸ் பிரதமர் நரேந்திர மோடியை செவ்வாய்க்கிழமை சந்தித்து ஆலோசனை நடத்தினார்.

அதன்பிறகு இருநாடுகளிலும் பல்வேறு துறைகளில் ஒத்துழைப்பை மேம்படுத்தும் வகையில் 14 புரிந்துணர்வு ஒப்பந்தங்கள் கையொப்பமிடப்பட்டன.

கடந்த ஆக.3, 4 ஆகிய தேதிகளில் இந்தியா-பிலிப்பின்ஸ் நாடுகள் இணைந்து சீனா ஆதிக்கம் செலுத்தி வரும் தென் சீனக் கடலில் முதல்முறையாக கடற்படை பயிற்சி மேற்கொண்டது.

இதைத் தொடர்ந்து, 5 நாள் அரசுமுறைப் பயணமாக பிலிப்பின்ஸ் அதிபர் ஃபெர்டினாண்ட் மார்கோஸ் மற்றும் அவரது மனைவி லீஸ் அரனேட்டா கடந்த திங்கள்கிழமை இந்தியா வந்தடைந்தனர்.

இந்தியா-பிலிப்பின்ஸ் இடையேயான தூதரக உறவுகள் நிறுவப்பட்டு 75 ஆண்டுகள் நிறைவடைந்த நிலையில், அதிபராகப் பதவி ஏற்ற பின் முதல்முறையாக ஃபெர்டினாண்ட் மார்கோஸ் இந்தியா வந்துள்ளார்.

அவரை திங்கள்கிழமை சந்தித்து வெளியுறவு அமைச்சர் ஜெய்சங்கர் ஆலோசனை நடத்தினார்.