ம.பி. பெண் நீதிபதி ராஜிநாமா: நீதித் துறை மீது குற்றச்சாட்டு

மத்திய பிரதேசத்தில் தனது ஆட்சேபத்தை மீறி மாவட்ட நீதிபதி ஒருவருக்கு உயர்நீதிமன்ற நீதிபதியாக பதவி உயர்வு அளிக்கப்பட்டதைக் கண்டித்து, உரிமையியல் நீதிமன்ற பெண் நீதிபதி அதிதி குமார் சர்மா தனது பதவியை ராஜிநாமா செய்தார்.

- 

புது தில்லி, ஜூலை 30:

தன்னை கடும் துன்புறுத்தல்களுக்கு உள்ளாக்கியதாகவும் தவறாக நடந்துகொண்டதாகவும் அந்த மாவட்ட நீதிபதி மீது பெண் நீதிபதி குற்றஞ்சாட்டியிருந்தார். ஆனால், அவருக்கு பதவி உயர்வு அளிக்கப்பட்ட நிலையில், தனது பதவியை ராஜிநாமா செய்து, மத்திய பிரதேச உயர் நீதிமன்ற தலைமை நீதிபதிக்கு அதிதி கடிதம் அனுப்பினார்.