பீஞ்சமந்தை ஊராட்சியில் அனைத்து மலை கிராமங்களுக்கும் சாலை வசதி: வேலூர் ஆட்சியர்

பீஞ்சமந்தை ஊராட்சியில் உள்ள 60-க்கும் மேற்பட்ட மலை கிராமங்களுக்கும் சாலை வசதி செய்யப்பட்டு வருகிறது. விரைவில் பீஞ்சமந்தைக்கு சிற்றுந்து இயக்க நடவடிக்கை எடுக்கப்படும் என்று வேலூர் மாவட்ட ஆட்சியர் வி.ஆர்.சுப்புலட்சுமி தெரிவித்தார்.

- 

வேலூர், மே 11:

வேலூர் மாவட்டம், அணைக்கட்டு வட்டம் மலை பகுதியில் உள்ள பீஞ்சமந்தை ஊராட்சியில் முதல்வரின் கிராம சாலைகள் திட்டத்தின் கீழ் தொங்குமலை முதல் தேக்குமரத்துர் வரை 1.50 கி.மீ. தூரத்துக்கு ரூ.55.13 லட்சம், தொங்குமலை ஆலமரம் முதல் நாயக்கனூர் வரை 2.8 கி.மீ. தூரத்துக்கு ரூ.98.65 லட்சம் என இரு புதிய தார் சாலைகளை அமைக்கப்பட்டுள்ளன.

இந்த சாலைகளை மாவட்ட ஆட்சியர் வி.ஆர்.சுப்புலட்சுமி, அணைக்கட்டு சட்டப்பேரவை உறுப்பினர் ஏ.பி.நந்தகுமார் ஆகியோர் ஞாயிற்றுக்கிழமை திறந்து வைத்தனர்.