சித்திரை முழு நிலவு மாநாடு: நிபந்தனைகளை கண்டிப்புடன் பின்பற்ற பாமகவுக்கு உத்தரவு

சித்திரை முழு நிலவு மாநாட்டுக்கு விதிக்கப்பட்டுள்ள நிபந்தனைகள் கண்டிப்புடன் பின்பற்றப்படும் என்று வடக்கு மண்டல ஐஜி-யிடம் உத்தரவாதம் அளிக்க வேண்டும் என பாமகவுக்கு சென்னை உயர்நீதிமன்றம் உத்தரவிட்டது.

- 

சென்னை, மே 8:

மாமல்லபுரத்தை அடுத்த வடநெமிலியில் மே 11-ஆம் தேதி பாமக சார்பில் நடத்தப்படும் சித்திரை முழு நிலவு மாநாட்டுக்கு தடைவிதிக்கக் கோரி, ஸ்ரீபெரும்புதூரைச் சேர்ந்த முத்துக்குமார் என்பவர் தாக்கல் செய்த பொதுநல வழக்கில் கூறியிருந்ததாவது:

சித்ரா பவுர்ணமி நாளில் பாமக மாநாடு நடத்துவதால் பக்தர்கள் பாதிக்கப்படுவர். கடந்த 2013-ஆம் ஆண்டு நடைபெற்ற மரக்காணம் கலவரம், 20 சதவீத இட ஒதுக்கீடு கோரி நடத்தப்பட்ட போராட்டங்களில் வன்முறைச் சம்பவங்கள் நிகழ்ந்தன. சட்டம்-ஒழுங்கு பாதிப்பு ஏற்படும் என்பதால் சித்திரை முழு நிலவு மாநாட்டுக்கு தடைவிதிக்க வேண்டும் என கோரியிருந்தார்.