5 புதிய ஐஐடி-க்களில் ரூ. 11,828 கோடியில் உள்கட்டமைப்பு வசதிகள்: மத்திய அமைச்சரவை ஒப்புதல்

ஆந்திரம், கேரளம், சத்தீஸ்கர், ஜம்மு-காஷ்மீர், கர்நாடக மாநிலங்களில் அமைக்கப்பட்டுள்ள 5 புதிய ஐஐடி கல்வி நிறுவனங்களில் கல்வி மற்றும் உள்கட்டமைப்பு வசதிகளை விரிவுபடுத்த மத்திய அமைச்சரவை ஒப்புதல் அளித்தது.

- 

புது தில்லி, மே 7:

பிரதமர் நரேந்திர மோடி தலைமையில் தில்லியில் புதன்கிழமை நடைபெற்ற அமைச்சரவைக் கூட்டத்தில் இதற்கான ஒப்புதல் அளிக்கப்பட்டுள்ளது.

இதுகுறித்த அரசு செய்திக்குறிப்பில் கூறியிருப்பதாவது:

5 புதிய ஐஐடிக்களில் 2025-26 முதல் 2028-29-ஆம் ஆண்டு வரையிலான கால கட்டத்தில் ரூ. 11,828.79 கோடி செலவில் உள்கட்டமைப்பு வசதிகளை விரிவுபடுத்த மத்திய அமைச்சரவை ஒப்புதல் அளித்துள்ளது.