பங்குச் சந்தையில் உற்சாகம்: ஒரே நாளில் லாபம் ரூ.7 லட்சம் கோடி

இந்த வாரத்தின் இரண்டாவது வர்த்தக தினமான செவ்வாய்க்கிழமையும் பங்குச்சந்தையில் காளையின் ஆதிக்கம் தொடர்ந்தது.

- நமது நிருபர்

நமது நிருபர் மும்பை/ புதுதில்லி, மார்ச் 18: இதைத் தொடர்ந்து, மும்பை பங்குச்சந்தைக்குறியீட்டு எண்ணான சென்செக்ஸ், தேசிய பங்குச்சந்தைக்குறி யீட்டு எண்ணான நிஃப்டி ஆகிய இரண்டும் நல்ல லாபத்தில் முடிவடைந்தன. இதனால், ஒரே நாளில் சந்தை மதிப்பு மொத்தம் ரூ.7.06 லட்சம் கோடி உயர்ந்தது.

உலகளாவிய சந்தைக்குறிப்புகள் நேர்மறையாக இருந்தன. இதன் தாக்கத்தால் உள்நாட்டுச் சந்தை உற்சாகத்துடன் தொடங்கி மேலே சென்றது. ஆட்டோ, மீடியா, ஃபார்மா, ஹெல்த்கேர், மெட்டல், ரியால்ட்டி உள்பட அனைத்துத் துறை பங்குகளுக்கும் நல்ல வரவேற்பு கிடைத்தது. இதைத் தொடர்ந்து, இரண்டாவது நாளாக சந்தை நல்ல லாபத்தில் நேர்மறையாக முடிந்தது என்று பங்கு வர்த்தகத் தரகு நிறுவனங்கள் தெரிவித்தன.