காலிறுதியில் மோதும் கெள.ப் - ஆன்ட்ரீவா

இத்தாலியன் ஓபன் டென்னிஸ் போட்டியின் காலிறுதியில், முன்னணி வீராங்கனைகளான அமெரிக்காவின் கோகோ கௌஃப், ரஷியாவின் மிரா ஆண்ட்ரீவா ஆகியோர் மோதுகின்றனர்.

- 

மகளிர் ஒற்றையர் காலிறுதிக்கு முந்தைய சுற்றில், போட்டித்தரவரிசையில் 3-ஆம் இடத்திலிருக்கும் கௌஃப் 5-7, 7-5, 6-2 என, சக அமெரிக்கரான இவா ஜோவிச்சை தோற்கடித்தார். 8-ஆம் இடத்திலிருக்கும் ஆண்ட்ரீவா 6-3, 6-3 என்ற நேர் செட்களில் பெல்ஜியத்தின் எலிஸ் மெர்டன்ஸை வீழ்த்தினார். இதையடுத்து காலிறுதியில் கௌஃப் - ஆண்ட்ரீவா சந்திக்கின்றனர்.

இருவரும் இதுவரை 4 முறை மோதியிருக்க, அனைத்திலுமே கௌஃப் வென்றுள்ளார். கடைசியாக அவர்கள், கடந்த ஆண்டு இதே இத்தாலியன் ஓபன் காலிறுதியில் மோதியது குறிப்பிடத்தக்கது. 7-ஆம் இடத்திலிருக்கும் உக்ரைனின் எலினா ஸ்விடோலினா 6-2, 6-3 என்ற வகையில், செக் குடியரசின் நிகோலா பர்துன்கோவாவை சாய்த்தார்.