மகாராஷ்டிர பள்ளிகளில் 3-ஆவது மொழியாக ஹிந்தி

'மகாராஷ்டிர மாநிலத்தில் 1 முதல் 5-ஆம் வகுப்பு வரையிலான மாணவர்களுக்கு ஹிந்தி மூன்றாவது மொழியாக கற்பிக்கப்படும் என்று மாநில அரசு வெளியிட்ட புதிய கல்விக் கொள்கையில் தெரிவிக்கப்பட்டுள்ளது.

- 

மும்பை, ஜூன் 18: மகாராஷ்டிர மாநிலத்தில் 1 முதல் 5-ஆம் வகுப்பு வரையிலான மாணவர்களுக்கு ஹிந்தி மூன்றாவது மொழியாக கற்பிக்கப்படும் என்று மாநில அரசு வெளியிட்ட புதிய கல்விக் கொள்கையில் தெரிவிக்கப்பட்டுள்ளது.

அரசின் இந்தப் புதிய உத்தரவை மராத்தி அமைப்புகள், காங்கிரஸ் உள்ளிட்ட எதிர்க்கட்சிகள் கடுமையாக எதிர்த்துள்ளன.

பாஜக ஆளும் மகாராஷ்டிரத்தில் மத்திய அரசின் தேசிய கல்விக் கொள்கைக்கு இணக்கமாக கடந்த ஆண்டு வகுக்கப்பட்ட மாநிலப் பள்ளிக் கல்வி பாடத்திட்ட கொள்கையை நடைமுறைப்படுத்துவது தொடர்பான உத்தரவு கடந்த செவ்வாய்க்கிழமை வெளியிடப்பட்டது.