ராமேசுவரத்தில் கோயில் நுழைவுப் போராட்டம்: 125 பேர் கைது

ராமேசுவரம் ராமநாத சுவாமி கோயிலில் உள்ளூர் மக்களுக்கான தனி வழியில் தரிசனத்துக்கு மீண்டும் அனுமதிக்கக் கோரி, கோயில் நுழைவுப் போராட்டத்தில் செவ்வாய்க்கிழமை ஈடுபட்ட 45 பெண்கள் உள்பட 125 பேரை போலீஸார் கைது செய்தனர்.

- 

ராமேசுவரம், ஜூன் 17:

ராமநாதபுரம் மாவட்டம், ராமேசுவரம் ராமநாத சுவாமி கோயிலில் முக்கியப் பிரமுகர்களும், உள்ளூர் மக்களும் தரிசனம் செய்ய தனி வழி உள்ளது. இந்தநிலையில், தற்போது புதிதாகப் பொறுப்பேற்ற கோயில் இணை ஆணையர் செல்லத்துரை உள்ளூர் மக்களுக்கான தனி தரிசன வழித் தடத்துக்குத் தடை விதித்ததுடன், கட்டண வழித் தடம் வழியாகச் செல்லவும் அறிவுறுத்தினார்.

இதற்கு எதிர்ப்புத் தெரிவித்து, அரசியல் கட்சியினர், சமூக அமைப்பினர், உள்ளூர் மக்களுடன் இணைந்து ஜூன் 17-ஆம் தேதி கோயில் நுழைவுப் போராட்டம் நடத்தப்படும் என மக்கள் நலப் பேரவையினர் அறிவித்தனர்.