அங்கீகாரம் இல்லாத மருத்துவக் கல்லூரிகளில் சேர வேண்டாம்

என்எம்சி எச்சரிக்கை

- 

சென்னை, மே 20: அங்கீகாரம் இல்லாத மருத்துவக் கல்லூரிகளில் மாணவர் சேர்க்கைக்கு விண்ணப்பிக்க வேண்டாம் என்று தேசிய மருத்துவ ஆணையம் (என்எம்சி) அறிவுறுத்தியுள்ளது.

எந்தெந்த மருத்துவக் கல்லூரிகள் முறையாக அங்கீகரிக்கப்பட்டுள்ளன என்பதை என்எம்சி இணையதளத்தில் அறிந்துகொண்டு செயல்படுமாறும் வலியுறுத்தியுள்ளது.

இதுதொடர்பாக என்எம்சி செயலர் டாக்டர் ராகவ் லங்கர் வெளியிட்ட அறிவிப்பு: மருத்துவப் படிப்புகளைத் தொடங்கவும், தொடர்ந்து நடத்தவும் என்எம்சியின் அங்கீகாரம் அவசியம்.

ஆனால், சில கல்லூரிகள் அத்தகைய அனுமதி இல்லாமல் மாணவர் சேர்க்கை நடத்தி வருவதாகத் தெரிகிறது.