இந்தியாவுடனான் 4-ஆவது ஆண்டாக அமெரிக்கா முன்னிலை

கடந்த நிதியாண்டில் இந்தியாவுடன் அதிகம் வர்த்தகம் மேற்கொண்ட நாடுகளின் பட்டியலில் அமெரிக்கா தொடர்ந்து நான்காவது ஆண்டாக முதலிடத்தில் உள்ளது.

- 

புது தில்லி, ஏப். 29:

இது குறித்து வர்த்தகத் துறை அமைச்சகம் வெளியிட்டுள்ள தரவுகள் தெரிவிப்பதாவது:

கடந்த 2024-25-ஆம் நிதியாண்டில் இந்தியாவுடன் அதிக வர்த்தகம் மேற்கொண்ட நாடுகளின் பட்டியலில் மீண்டும் அமெரிக்கா முதலிடம் பிடித்துள்ளது.

அந்த நிதியாண்டில் இந்தியாவுக்கும், அமெரிக்காவுக்கும் இடையிலான வர்த்தக மதிப்பு 13,184 கோடி டாலராக உள்ளது.

கடந்த நிதியாண்டில், அமெரிக்காவுக்கான இந்தியாவின் ஏற்றுமதி 11.6 சதவீதம் உயர்ந்து 8,651 கோடி டாலராக உள்ளது. முந்தைய 2023-24-ஆம் நிதியாண்டில் இது 7,752 கோடி டாலராக இருந்தது. அமெரிக்க பொருள்கள் இறக்குமதியைப் பொருத்த வரை முந்தைய 2023-24-ஆம் நிதியாண்டில் 4,220 கோடி டாலராக இருந்த அது, 2024-25-ஆம் நிதியாண்டில் 7.44 சதவீதம் உயர்ந்து 4,533 கோடி டாலராக உள்ளது.