புதுச்சேரி, காரைக்காலில் இன்று பிளஸ் 2 பொதுத்தேர்வு தொடக்கம் 25 மையங்களில் 8,105 பேர் எழுதுகின்றனர்

புதுச்சேரி, காரைக்காலில் திங்கள்கிழமை பிளஸ் 2 பொதுத்தேர்வு தொடங்குகிறது. மொத்தம் 25 தேர்வு மையங்களில் 8,105 பேர் தேர்வை எழுத ஏற்பாடு செய்யப்பட்டுள்ளது.

- 

புதுச்சேரி, மார்ச் 2: புதுச்சேரி, காரைக்காலில் திங்கள்கிழமை பிளஸ் 2 பொதுத்தேர்வு தொடங்குகிறது. மொத்தம் 25 தேர்வு மையங்களில் 8,105 பேர் தேர்வை எழுத ஏற்பாடு செய்யப்பட்டுள்ளது.

இதுகுறித்து, புதுவை மாநில பள்ளிக் கல்வித் துறை இணை இயக்குநர் கோ.சிவகாமி வெளியிட்ட செய்திக் குறிப்பு: புதுவை மாநிலம் புதுச்சேரி, காரைக்கால் பிராந்தியங்களில் பிளஸ் 2 அரசுப் பொதுத்தேர்வானது திங்கள்கிழமை (மார்ச் 3) தொடங்கி மார்ச் 27-ஆம் தேதி வரை நடைபெறுகிறது.

அதன்படி, புதுச்சேரியில் 20 தேர்வு மையங்களும், காரைக்காலில் 5 தேர்வு மையங்களும் அமைக்கப்பட்டுள்ளன.